* وصفة مصوره *تاندورى تشيكن وارز بالخلطه بالتفصيل يا رب يعجبكم
السلام عليكم ورحمه الله وبركاته
ازيكم يا قمرات على احلى منتدى
انهارده عملت فراخ تاندورى
وهى وصفه هنديه بس تحفه
وكمان سهله جدا والطعم حلو اووى
وعملت جنبها ارز بالخلطه وكان رائع
نبدأ الاول بالفراخ
المقادير
فرخه سليمه او مقطعه براحتك
كوب لبن رايب او زبادى واللبن الرايب افضل
عصير ليمونتين
ربع كوب خل
ربع معلقه صغيره لون طعام احمر (يمكن الاستغناء عنه )
معلقه صلصه طماطم
ملح فلفل بهارات كمون كسبره قرفه
ورق لورا حبهان قرنفل كارى
زنجبيل كركم فلفل احمر
معلقه ثوم مفروم
الطريقه
نخلط جميع المكونات مع بعض ونتبل بيها الفرخه ويستحسن تترك فى التتبيله
4 ساعات او قبلها بيوم
ثم توضع فى صينيه وتدخل الفرن
وده لما استوت
وده صوره كمان
الارز بالخلطه
المقادير
ارز مصرى او بسمتى حسب الرغبه
حوالى نصف كيلو
نصف كيلو كبده كندوز او كبده فراخ
لوز وزبيب للتقديم
ملح وفلفل بهارات وقرفه
3 ملاعق سكر معمولين كراميل لللون
زيت او زبده
الطريقه
الارز
احط الزيت يسخن على النار
وبعدين ضفت الارز المغسول والملح والفلفل
والبهارات والقرفه وقلبت شويه
وبعدين فى طاسه اخرى حطيت السكر لغايه
ما لونه بقى كراميل ضفته على الارز
وزودت الملح شويه علشان السكر
ثم ضيفت الماء المغلى ونتركه حتى يستوى
الخلطه
حطيت شويه زيت وضيفت الكبده المقطعه
وملح وفلفل وبهارات وعصره ليمون
الى ان استوت حمرت اللوز والزبيب
وضيفتهم على الكبده
وبعدين غرفت الارز وعليه الخلطه
وده الكبده لوحدها
وهنا لما استوى
وده صورة اقرب
يا رب يكون عجبكم
واى سؤال انا موجوده يا قمرات
رد مع الاستدلال
الروابط المفضلة