ازيكم يا بنات اخباركم ايه
جبت لكم طريقتى فى عمل المكرونة بالشاميل يارب تعجبكم
انا بحب التغيير فى المكرونة
يعنى مرة باللحمة المفرومة
ومرة بالكبد والقوانص
ومرة بشاورمة الفراخ
المقادير
مكرونة قلم مسلوقة
صدور فراخ مخلية
بصل وفلفل اخضر
ملعقة صلصلة طماطم وممكن طماطم مقطعة صغير
ملح فلفل اسمر بهارات
البشاميل
5 ملاعق دقيق
3 كوب لبنن وملعقة سمن او زبدة
رشة ملح وفلفل بيضة
الطريقة
تقطع صدور الفراخ قطع صغيرة
والبصل شرايح والفلفل مكعبات
نضع الفلفل والبصل والفراخ وملعقة صلصلة على النار ونظبط الملح ونضع بهارات وفلفل اسمر
وحبة ماء صغيرين ونغطيها
انا اسفةالصور مش واضحة اوى لانها تصوير موبايل
تترك على النار لحين النضج وده شكلها بعد ما استوت
نعمل البشاميل
الدقيق مع اللبن والملح والفلفل ونضربهم فى الخلاط الطريقة دى بتخليه ناعم وابيض
نضعه على النار مع ملعقة سمنة او زبدة ونقلب حتى نصل للقوام المطلوب
وبعد ما يبرد شويه نضع بيضة وقلب البشاميل
ناخد منه شوية ونقلبهم مع المكرونة كلها والباقى ندهن بيه وش الصينية
ندهن الصينية سمنة ونحط نص كمية المكرونة
نضع الشاورمة فى النص
نضع النصف الباقى من المكرونة
وندخلها الفرن
هنا بعد ما خرجت من الفرن
جربوها ويارب تعجبكم
الروابط المفضلة