انا هقدم لكم النهارده طبق بطاطس بالخضرة وجمبيه طبق الكبدة الاسكندرانى ,,,,,,
اولا : المقادير بالنسبة للبطاطس:
اربع حبات بطاطس كبار + فصين ثوم + كسبرة خضرا + ملعقة سمن وملعقة زيت
وملح وبهارات
الطريقة :
- نقشر البطاطس ونقطعها طرنشات رقيقة ونضع الحلة على نار هادية خالص وفيها السمن والزيت
وبعدين نضع البطاطس ونقطع عليها الكسبرة وفصين الثوم ونضع الملح والفلفل والبهارات بس كده
بس لازم تكون النار هادية لمدة تلاتين دقيقة وكل شوية تقلبيها .
نيجى للطبق التانى :
المقادير :
نص ك كبدة دجاج + اربع بصلات وسط + فصين ثوم + قرنين فلفل + حبتين طماطم +ملح وفلفل وبهارات
الطريقة :
- نضع حبة زيت فى الحلة على النار ونغسل الكبدة ونقطعها قطع صغيرة ونضعها فى الزيت وهو ساخن
ونشوحها شوية لحد الماية ماتنشف وبعدين ننزل بالبصل والفلفل الأخضر والطماطم والثوم والتوابل
ونهدى النار ونسيبها عليها لحد ماتستوى وعلى ماتستوى نكون عملنا طبق السلطة
وشوية جرجير اخضر والمخللات والعيش الطازة وبألف هنااااااااااااوشفاااااااااا
الروابط المفضلة