مكرونة بلحم ستروجانوف (طبق ايطالى)
نصف كيلو لحم احمر (انا جبتها من الفلتو) مقطعة شرائح سميكة
بصلة متوسطة مقطعة
ا كوب مشروم (فطر)
2 فص ثوم
زيت زيتون
صويا صوص
ملح وفلفل اسود
ا كوب بقدونس مفروم
4 كوب مرقة (ماء عليه مرقة دجاج)
3 ملعقة دقيق
نصف كيلو مكرونة فرن (قلم) أو أى نوع تحبيه (وتسلقيها)
اول حاجة نجيب الدقيق ونرش عليه ملح وفلفل
وبعد كدة نتبل فيه اللحم
وعلى النار نحط معلقتين زيت زيتون
ولما يسخن الزيت نحط البصل فى ناحية واللحم فى ناحية تانى
ونشوحهم لمدة من 7 لـ 10 دقايق وبعد كدة نحط المرقة عليهم
ونضيف الصويا صوص حوالى معلقتين كبار
ونغطيها ونسيبها تستوى حوالى 45 دقيقة .. وبعد المدة دى نحط المشروم
ونسيبها خمس دقايق كمان وقبل ما اطفى عليها النار .. ازود معلقة كريمة لبانى
وكدة اللحم الستروجانوف خلص
نيجى بقى للمكرونة
طبعاً احنا سلقناها بالطريقة المعتادة
نسخن معلقة زيت زيتون على النار ونحط عليها الثوم المقطع شرائح صغيرة
وبعد ما نشوحه شوية نحط عليه المكرونة
ونقلبها دقيقتين وبعدين نضيف عليها البقدونس المفروم
وبعد كدة نقدمها المكرونة وعليها اللحم
بالشكل الجميل ده <<< مغرورة
بالهنا والعافية
الروابط المفضلة