الارز المعمر بالطريقه الفلاحى من مطبخى وبالصور طبعا

السلام عليكم ورحمه الله وبركاته

الارز المعمر

اكله معروفه جدا فى مصر
وفى الريف خصوصا
وبيتاكل مع الفراخ البلدى او البط
او الحمام
وممكن يتعمل بالكبد والقوانص او ساده

المقادير

2 كوب ارز مصرى مغسول ومصفى
كيلو الا ربع لبن
ربع لتر شوربه سلق الفراخ
ملح وفلفل
4 ملاعق قشطه للوجه
معلقه سمن بلدى

الطريقه

هنحط الارز مع معلقه السمن
والملح والفلفل فى الطاجن
الفخار ثم ننزل عليهم باللبن
والشوربه المغليين

ونحطهم فى الفرن
واول ما نحس انهم ابتدوا يتشربوا وينشف شويه
نضيف القشطه عى الوش

ده شكل الارز فى الطاجن

وهنا لما حطيت السمن واللبن مع الشوربه

وده لما ابتدى يتشرب ضيفت القشطه

وده شكله بعد ما خرج

وده صورة كمان

وده اقرب

وقدمته مع فراخ بلدى مسلوقه ومحمره

اتمنى يعجبكم
والسلام عليكم

تسلم الايادى شكلها بتشهى

ماشاء الله شكلة جميل جدا وسهل مع ان حماتى باتقول مينفعش يتحط كلة على بعضة ويتحط فى الفرن بيطلع ناى بس معلش حاتعبك معاية ولو تقدرى تقوليلى على طريقة الحمام

تحفه يا قمر
تسلم إيديكى

تسلم الايادى حبيبتى

سلمت الأيادي غاليتي على الوصفه الطيبه كثير

يم يم يم
أرز روووووعة تسلمى حبيبتى

تسلموا يا قمرات
حبيبتى مرات اجمل زوج
لا عادى بيتحط كله وبيطلع مستوى وحلو اووى وانتى قبل ما يحمر الوجه بتشوفييه
لو لقيتييه مستواش بتضيفى شويه لبن وشوربه تانى
اما الحمام قصدك المحشى
لو قصدك كده انتى بتجيبى الحمام تغسلييه كويس
وتجيبى اما ارز او فريك حسب ما انتى حابه
وتحطى معلقه سمن وتغسلى الارز او الفريك تحطى بصله مبشورة مع السمن وتضيفى
الارز او الفريك مع ملح وفلفل وقرفه بسيط وتقلبى فيهم وبعدين تضيفى مايه بحيث
ما يستوش يبقى نصف سواه
وبعدين تحشى الحمام مش اووى علشان الجلد ما يتقطعش
بعد كده بتحضرى مايه فيها ملح وفلفل وبصله مبشوره وحبهان ووق لورا
بتضيفى الحمام ويتسلق عادى
وبعدين تحمريه فى سمن بلدى مع زبده وبالهنا والشفا

رووووووووووووووعة بجد

وان شاء الله هاجربة بس يا رب يعجب الاولاد عندى

تسلم الايادى

بسم الله ماشاء الله اختى انا بحب الارز المعمر جدا.