الكبده البانيه

وصفة شيك و لذيذة و سهلة

المقادير

كيلو كبده شرائح

بصله كبيرة
راس توم
ثلاث حبات فلفل رومى
عصير اربع ليمونات او ثلاثة لو كبير شوية
ملعقة كبيرة خل
ملح فلفل كموون, الكموون اساسى
شطة
ثلاث بيضات
كوب كبير دقيق
كوب كبير بقسماط ناعم
ملحوظة ضرورى نخل الدقيق و البقسماط فى حالة شرائهم سايبين يعنى بالكيلو من العطار لانهم اوقات بيحتووا على شوائب او حشرات " سوس "

الطريقة

ناخد البصلة الكبيرة و راس التوم و الفلفل الرومى و نطحنهم فى الكبة لما يبقوا عجينة
نضيف لهم التوابل و الخل و الليمون

نضيف اليهم الكبدة و نقلبهم جيدا معهم بحيث تصل التتبيلة الى كل الشرائح
و تترك على الاقل ساعة


بعد الساعة نضيف الثلاث بيضات و نقلب الكبدة

و نخلط الدقيق و القسماط و نبهرهم بالملح و الفلفل و الكمون و نقوم بتغطية الكبدة

نرص الشرائح على صنية مفروشه بمنديل نايلون " كيس تلاجه و افتحيه بالمقص "

و لا نضع شريحتين فوق بعض بل يجب الفصل بين الشرائح بمنديل نايلون

بعد الانتهاء من التغطية نضع الكبده فى الفريزر ساعة ع الاقل

تقلى فى زيت خفيف ونار متوسطة و يستحسن مع البانيه تغيير الزيت فى كل مرة
ولهذا من الافضل استخدام كمية بسيطة من الزيت مع كل طاسه

نخرجها من الزيت على مناديل مطبخ

و ننقلها الى طبق التقديم

و النتيجة كبده بانيه رائعة مقرمشة من الخارج و طرية و طعمة من الداخل


الصور توضح اكتر

كل الشكر لك على هذا الطبق
صحتين وعافية
ورمضان مبارك

اهل اختى الغالية وعود الخير
شرفتينى و بتمنى تجربيه و ان شاء الله يعجبك

تسلمي مودي على البانيه الرائع

مشكورة

تسلم الايادي على الوصفة الطيبة

يعطيك العافية يا غالية

تسلم الايادي

اهلا بكن اخواتى
شرفتونى
وبتمنى تجربوا الوصفة وتعجبكم

أه أول مره أشوف كبده بتنعمل زي البوفتيك
خلاص بنحاول نجربها
حماكِ الله ورعاكِ

تسلم الايادي على الوصفة الطيبة

يعطيك العافية يا غالية

اهلا بكن اخواتى الفضليات
الكبده البانيه مشهورة عندنا بمصر و انصحكم بتجربتها لانها رائعة