هذي الطريقة علمتني وحدة من صديقاتي ورحت طبقتها على طول والنتيجة اهلي انبهروا من الطريقة وكمان سهلة جدا جدا جدا
شوفوا حبايبي تجيبين بصله متوسطة وتقطعينها صغار وتحطينها بقدر الضغط وتحطين حبة فلفل من هذا الحار والصغير وتحطين زيت في الغطاء حق الزيت وتحطينه على النار الين يحمر البصل بعدين تكونين مغسلة دجاجة ومنظفتها عدل او لحمة على حسب الذوق انا اخذت دجاجة وبعدين تحركينها الين يتغير لونها بعدين تحطين 4 طماطم مقطع صغار وتحركينها ونصف م معجون طماطم وتحركينها الين يذبل الطماطم بعدها تحطين ملح وبهارات وماء حار ولما يغلي قفلي القدر واضغطي الين ينضج الدجاج بس مو كثير ربع ساعة وبعدين تكونين مغسله الارز ومنقعته بمويه حار وتاخذين نصف الكمية وتحطينها بالقدر وتملحين وتضغطين اذا احتاج الامر تضيفين ماء اضيفي المويه تكون اعلى من الارز بشوية وتنتظرين الين ينضج وبعدها تطفين عليه النار
الحين باقي الارز ناخذه ونحطه في قدر وشويه زيت وملح وماء حار وعلى النار يعني ارز مسلوق ابيض وبعد ان ينضج نطفي النار وبعدها تاخذين نص هذا الارز المسلوق وتجيبين مصفر زعفران وتصبين عليه شويه ماء وتصبينه على الارز وتحطينه على النار وتحركينها وبعدين تغطين عليها شوي الين ينشف الماء بعدين تطفين النار تجيبين صحن كيك كبير او اي صحن تقدرين تحطين فيه كمية الارز وتحطين اول شيئ الطبقة الحمراء اللي بقدر الضغط وبعدها الارز المسلوق الابيض وبعدها الارز الاصفر اللي فيه المصفر الزعفران وتساوينها بعدين تقلبينها في صحن التقديم وبالعافيه بصراحة كان جددا روعة اتمنى يعجبكم واتمنى اسمع ارآئكم
الروابط المفضلة