Your Ad Here
السلام عليكم ورحمه الله
ازيكم يا اجمل سيدات فى
الدنيا كلها
انهارده عملت شيش طاوووق
وبطاطس مشويه بالفرن
ومعاهم عيش بورى
هنبدأ بأسم الله
اولا
الشيش طاووك
فرخه مقطعه مربعات مخليه من العظم
هنتبلها بالاتى
بصل مفروم ثوم مفروم
ملح فلفل سماق زعتر
بهارات زبادى
ممكن كركم لو عاوزين لونها اصفر
خل وليمون
نخلط كل المكونات مع بعض
ونتبل بيهم قطع الفراخ
ونسيخهم فى الاسياخ الخشب
وممكن طبعا بين كل قطعه والتانيه
تحطوا قطع فلفل وبصل وطماطم
زى ما انتو عاوزين
تترك فى التتبيله ساعتين وبعد كده
نحطها فى صينه مدهونه بزيت
وتوضع فى الفرن
البطاطس المشويه
هنجيب كميه البطاطس الى عاوزينها
ونقطعهم صوابع تخينه شويه
ونحط عليها ملح وفلفل وزعتر
ونحطها فى صينيه وعليها زيت بسيط
وتدخل الفرن
العيش البورى
المقادير
2 كوب دقيق
نصف كوب زيت
ذرة ملح
ماء للعجن حتى الحصول على عجينه
متماسكه غير لاصقه باليد
نسيبها ترتاح شويه
حوالى نصف ساعه
ثم تفرد بالنشابه وتقطع بالحجم
الى عاوزينه ثم تقلى بالزيت
واهم حاجه الزيت يوكون ساخن جدا
وكمان واحنا بنقليها ناخد الزيت بالكبشه
ونحطه عليها ونكرر كده لغايه ما تحمر
اسيبكم مع الصور
ده صورة العجينه
وده بعد ما قطعتهم
وده شكل البطاطس قبل الشوى
وده الشيش طاووك قبل الشوى
وده شكل العيش بعد القلى
وده البطاطس
وده الشيش طاوووك
يا رب يعجبكم واى سؤال انا تحت امركم
وكل عام وانتم بخير
الروابط المفضلة