السلام عليكم ورحمه الله وبركاته
ازيكم يا قمرات
اكلتنا انهارده اكله سوريه حلوة اوووى
ومن الاكلات التقليديه فى سوريا
وهى الشيش برك
هى دسمه شويه
بس طعمها حلو اووى
وتغيير طبعا
وليها خطوات ومكونات كتير
اولا العجينه
2 كوب دقيق
نصف كوب زيت
ذرة ملح
ماء للعجن حتى الحصول على عجينه متماسكه
غير لاصقه باليد
ثانيا الحشو
عباره عن لحمه مفرومه معصجه
مع بصل وملح وفلفل
وبهارات وقرفه
ثالثا الصوص
عباره عن نصف كيلو زبادى
1 بيضه
معلقه نشا
ملح بسيط اووى وفلفل
حوالى كوب شوربه او ماء
ونضربهم كويس مع بعض فى الخلاط
رابعا التقليه
سمن بلدى او زبده
ثوم مفروم
كسبره ناشفه
او ممكن كسبره خضراء مقطعه
الطريقه
اولا العجينه نخلط جميع المكونات
مع بعض حتى الحصول على عجينه
غير لاصقه باليد ونتركها تريح
بالشكل ده
فى هذا الوقت نقوم بتحضير الحشوة
انا بعمل العصاج بدون زيت او سمن
بحط اللحمه فى الطاسه وعليها التوابل
وبعدين احط البصل وارتكها لغايه ما تستوى
هنفرد العجينه ونرقها رفيع جدا
ونقطعها دوائر صغيره انا قطعتها بفنجان قهوه صغير
كده
هنحط الحشوة فى كل واحده
ومنكترش فى الحشو
هنقفلها زى القطايف وبعدين نقفل الطرفين مع بعض
هتبقى عامله زى الطاقيه هنرصها فى الصاج وندخلها الفرن
ومش عاوزينها تاخد لون يدوبك العجين ينشف ويبقى متماسك
وده لما خرجتها من الفرن
هنحضر خليط الزبادى الى عملناه ونرفعه على النار
واما يغلى نضيف الشيش برك ويترك حوالى 10 دقائق
وبعدين نعمل التقليه
ونضيفها عليه كده
وده صورة كمان اقرب
وده لما قدمتها فى الطبق
ايه رايكم يا رب تعجبكم يا بنات
وربنا يوفقكم جميعا وكل سنه وانتم طيبين
الروابط المفضلة