السلام عليكم عزيزاتي انا بحاجه ماسه لمساعدتكم املي فيكم كبير بصراحه انا عندي عزيمه فطور لصديقاتي و عوزه اعمل كل شيء جديد و حلو و غير شكل لذلك ارغو من كل وحده تكتبلي منو طعام و طرقها ث الحلو ارجو انه يكون خفيف ارجوكم ساعدوني عاوزه شيء يبيض الوجه
ورجوني شطرتكم يا حلوين

اهلين فيكي تاتي وان شاء الله تكوني بخير

راح احاول اشرح لكي ومن جد سهل وكتير شكله حلو

اول شي رز بالخضار مع الدجاج

بتطبخي الرز عادي ويكون بسمتي انكه واذا مافي اي نوع رز وفي متل الصبغة يلي بتخليه اصفر بس هيه بدون طعم بس لون

خلصنا الرز بتجيبي الخضار لحالها طبعا بتسويها الطريقة

علبة فطر و فلفلة خضرا واحمر واوقات في اصفر وبيزيلاء وبصلة

بتخمري البصل بالزيت وبعدها بتكوني قطعتي الفليفلة شرائح وبتبقي عم تقلي شوي وبعدا بضيفي البيزيلاء والفطر ومع استمرار بقلي والتحريك

هيك بيكون خلصنا الخضار ومن قبل خلص الرز

بتجيبي صدر دجاج بتلتي الدجاج بالبيض والطحين وكعك مدقوق وبتقلي بمقلاة يعني كذا صدر دجاج بتسوي حسب ضيوفك

الصلصة بالفطر كتير طيبة ودائما اسويها والكل بيحبها الطريقة
2 ملعقة زبدة 2 ملعقة دقيق وكوب حليب وشوي ملح وبهاء رشة يعني
بتحطي الزبدة والدقيق مع استمرار بالتحريك شوي بس وانتي بتشوفي وقت بصير متل يتماسك او يغلي فورا بتبعدي عن النار وبتوضعي الحليب شوي شوي انتبهي مهم يكون شوي شوي وبضلك عم تحركي وبعدا بتوضعي على النار مع استمرار بالتحريك واذا شفتيه سميك ضيفي حليب اكتر او اذا العكس دقيق وانتي عم تحركي على نار هادئة حطي الفطر وبعدا شوي وارفعي من على النار ورشي جبنة ميزورلا او عادية تبع البتزا

هلاء بيكون صار جاهز عنا الرز والخضار والدجاج والصلصة

كم عدد ضيوفك مثلا 4 بتجيبي لكل وحدة صحن بيكون مسطح وبتجيبي صحن صغير غميق نحن اهل سوريا منقول زبدية وبتوضعي بالقعر شوي خضار وفوق كله بتعبي الصحن الغميق بالرز وبتضغطي وبتقلبي هاد بالصحن المسطح بالجانب وبيكون انتي حطيتي على جنب الصدر الدجاج وبجانب الرز والدجاج الصلصة بييطلع الصحن كتير كتير شكله حلو
وخاصة الرز متل مقلوبة من فوق خضار وتقدري تحطي مكسارات وتقلي بطاطا مقلية وتسوي فتوش هاد من جد بسرعة بصير

واما الحلو بالبرتقال كاتو

كاس و3ارباع دقيق

كاس سكر, ظرف بيكن بودر, 3 ارباع كأس زيت مازولا, ظرف فانيليا, ونص كأس عصير برتقال وبشرة البرتقال وحليب حسب الرغبة وحسب القالب اذا صغير 4 بيضات و اذا كبير 5

بتحطي البيض والفانيليا والسكر وبتخفقي الكل بتبع الكاتو الكهربا وبضلي شي فترة وبعدا بتوضعي الدقيق بس قليل مو الكل وبهل اثناء بتحطي بيكن بودور وبعد ما يخلص الدقيق بتحطي البرتقال وبشرة البرتقال والزيت وطبعا دائما شوي شوي

وبتشوفي اذا ما سميك مافي داعي حليب غير معلقة او اذا سميك شوي حطي حليب حسب الرغبة وانتي عم تحركي وقت عم تعملي الكاتو حاولي يكون التحريك بشكل دائري متل تحريك بوعاء وكمان يكون متل عم تكتبي خمسة وبالنص بتحطي خط بالخمسة هذا الشي بصير يخليه ينفش كتير وينجح وبتكوني قبل مجهزة الفرن حرارة 180 وبتدهني الكاتو بالطحينة او سمنة وطحين وبترفعي حرارة 200 او 180 بصير وبدو ساعة وقبل ساعة ابدا ما تفتحي الفرن
ان شاء الله يكون عجبك واذا بدك شي زيادة او نوع حلو زيادة بعطيكي وبكتبلك او بس هيك بيكفي وطبعا بتعملي عصير فواكة مع ثلج وبمنتدى موجود من اخوات انا سبق وسويت كتير كان لذيذ

واذا بدك مقبلات بقدري بقلك بس انتي قلتي شي سهل وسريع

وان شاء الله مأكول الهنا للكل انا اليوم عم سوي فتوش وفطائر تفضلي

اختك ياسمين

مرحبا اختي ممكن تعملي كيك لانه خفيف ومليح ممكن على شوكولا وانا قبل فتره كنت حاطه الطريق وطهمها لذيذ
وهي الرابط
http://www.lakii.com/vb/showthread.php?threadid=65759
وممكن تعملي كمان كيك القرفه بالجزر لانه هسه موسم الجزر وطعمها جنان انا دايما بعملها
ورح انزل الطريقه في ركن الحلويات
وكمان ممكن تعملي معجنات واذا بدك طريقه سهله وطريه وزاكيه خذي هذا الرابط ورح تدعيلي
دايما
وكمان ممكن تعملي سينمون رول لقائف القرفه وانا من ناحيتي سويتها وطعمها روعهوهي الرابط
http://www.lakii.com/cook-785.htm
وكمان هذه الحلويات مع صورهن على هذه الروابط
حلى التمر
http://www.lakii.com/vb/showthread.php?threadid=66144
وهذا الابواق المحشيه كمان لذيذه
http://www.lakii.com/vb/showthread.p...E3%C7%E1%ED%C9

السلام عليكم .........
اختي هل تقصدين عندك عزيمة فطور الصباح ؟؟؟؟؟؟
اذا كان هذا قصدك ....عندي لك بعض الأفكار !!!!!!!!!!
.........ممكن تسوين ميني دونت عليه انواع من التغطيات وتقدمينه مع القهوة بالحليب............كرواسان بالجبن او المربى........معجنات منوعة وخفيفة .........عصير برتقال مضاف له اوراق النعناع ..........بانكيك او وافلز مع السرب او العسل ........فول مزين بالمخلل والنعناع يقدم مع الخبز ........شرائح التوست المشوية وعليها شريحة من البيض والمرتديلا والزيتون ..........كيكة اسفنجية مغطاة بالكريمة وعليها طبقة من حشوة الباي بالفراولة او مربى ...حليب طازج وساخن مغلي مع الهيل او الزعفران ........فطيرة السبانخ بالصنوبر والبيض المسلوق ......مهلبية الكسترد او الرز مزينة بحبات الكرز والفستق ........فطيرة كبيرة محشوة بالمرتديلا والنعناع والجبن الأبيض ثم تقدم مقطعة........ كنافة الجبن او القشطة بالتوست......مافنز عادي او بالشوكلاتة ........بتي فور بمربى المشمش ........
بصراحة هذا اللي جاء في بالي .......ارجو اني عطيتك بعض الأفكار !!!!!!

مممممممممممممممممششششششششششششششكورينننننننن كتيرررررررررررررررر كتيرررررررررررررررررررررررررر كتيرررررررررررررر حبيباتي ياسمين و هنلي و سويت الله اوفقكم و يدخلكم جنات النعيم وصفات بتجنننننننننننننننننن