السلام عليكم

ازيكم يا اجمل ليدز ورمضان سعيد علينا وعليكم
وعلى الامه الاسلاميه جميعا

انهارده هنعمل طاجن لسان العصفور
باللحمه وهى اكله مصريه حلوة اووووووى وطعمه فعلا رائع
هو طبعا بيتعمل بالعكاوى وبيبقى خطير
بس العكاوى مش متوفره علطول ولازم توصى الجزار عليها فطبعا ممكن تستعيضى عنها باللحمه

المقادير

حوالى نصف كيلو لحمه مسلوقه
نصف سوى علشان هتكمل سواها
مع الطاجن

3 بصلات كبار مقطعين جوانح
4 فلفل رومى مقطع شرائح
3 فلفل حامى (مش اساسى للى يحب السبايسى )
2 طماطم مقطعه مكعبات
عصير طماطم مضروبه
ربع كيلو لسان العصفور
زيت او سمن
ملح وفلفل وكمون وبهارات وجنزبيل
وورق لورا وحبهان وشطه

الطريقه

اول حاجه طبعا هنحط البصل مع الطماطم
المقطعه والفلفل والتوابل مع بعضها وندعها كويس وبعدين نحط عليها اللحمه
المسلوقه شويه وشويه شوربه من بتاعه سلق اللحمه ونسيبها على النار من فوق تغلى غلوتين

بالشكل ده

وبعدين هنحمر لسان العصفور فى طاسه لوحده مع زيت او سمن ونضيفه على الخليط السابق

ونصبه فى الطاجن الفخار
ولازم الطاجن البلدى ده يا جماعه لانه هو الى بيدى الطعم المميز
وهو رخيص جدا ومتوفر فى كل مكان
وطبعا احنا محطنهوش على النار من فوق الاول علشان مش بينفع يتحط على
النار مبباشره لانه ممكن يتكسر لكن فى الفرن عادى مش بيجراله حاجه
هيبقى كده

وندخله الفرن علطول وكل شويه لو لاقيناه شرب المايه بتاعته نزوده من شوربه سلق اللحمه الى عندنا لغايه ما لسان العصفور يستوى والوش يحمر كده

وده شكله فى طبق التقديم

وده من قريب لاول واحده هتدخل الموضوع

يا رب يعجبكم ورمضان كريم

تسلم الايادي على الوصفة الحلوة

بارك الله فيك

الله يعطيكِ العافيه

يسلموا ايديكي

صحتين وهنا

بارك الله فيك

تسلم الأيادي عزيزتي الله يعطيكِ الف عافيه

شكرا لكم جميعا نورتونى

تحففففففففففففففففففففففففففففففففففه تسلم ايدك

تسلمى يا قمر

تسلم ايدك ياقمر واضح نفسك طيب ماشاء الله تبارك الله روووووووووعة جدا