السلام عليكم
عندي سؤال وياريت اي وحده عندها فكره تجاوبني نبي طريقه لتخزين المصارين والعصبان في الفريز بحيث لما نطلعهم الرز مايتفتفتش
يارب حد يساعدني

بأذن الله الأخوات الليبيات سيفدنكِ عزيزتي

حبيبتي انا المصارين اقوم بحفظهم بدون حشى اي انظفهم فقط واخيطهم لاكن بدون حشو لاني اخاف من اهتراء الارز بفعل التجميد

انا ايضا نحفظها في الفريز ... بدون مانحشيها

حبيبتى كيف ماقالو الاخوات
نحطها فى الفريز بدون حشوه

والله ياعاليه نفس كلام الاخوات عمري ماجربت
انحطهم في الفريز محشيات
لكن يابتي لما اديري عصبان
خوذي مصران واحد وجربيه
قولينا النتيجه

السلام عليكم


انا نفس الاخوات

بس نسمع من الناس انه الارز اتنقعيه فى زيت ---- ويعده تحشى بيه المصارين


ماايتكسر


بس الله اعلم انا عن نفسى مااجربتها

السلام عليكم انا مجربته لما ندير مصارين اندير كميه كبيرة وبعدين نحط كل اربع او خمس مصارين في كيس ونحطه الفريز في ولما نبي انطيبه نطلعها من الصبح من الفريز حتي ترتخي وانطيبه عادي في فيها بزار وملح وعلي فكرة منغسلش في الرز ومانديرش فيه شحم ندير فيه بزيت الزيتون وانديرفيه كبدة وقلب ورئه بس وكثري فيه الرز اشويه وكلي بلهناء ودعيللي

طيبى المصارين بعد ماتحشيها اتركيها تبرد قصيها لفى كل قطعة فى القزير سكريها كويس حطيها فى حفاظة فى الفريز طلعى وسخنى درنها فى عرس خوى نطلعوا كانه طازه

السلام عليكم
اختي العزيزه امدلله اهلا وسهلا بيكي بيننا
في طريقه تقدري اتحطي فيها العصبان في الفريز ويطلع كانه طازه
وهي انك اتبوخيه شويه مش هلبه لدرجه الطياب لالالالا
شويه بس وطلعيه خليه يبرد وكيسيه وبعدين كل مره طلعي وكولي بالهناء والصحه
هدي طريقة عمتي لكن اني انحبه طازه جربيها وقوليلنا
وان شاء الله النتيجه مرضيه
دمتي بود