النهاردة قعدت أفكـــر هناكل ايه النهاردة ؟؟؟
فتحت الفريزر لقيت السمك الفيليه ....
وعشان ما احسش بالزهق ولا الملل ... فكرت شوية ....
يا ترى ممكن اعمل السمك ده ازاي بطريقة جديدة وظريفة
الولاد يحبوها وزوجي ما يستغربهاش ؟؟
وجتلي الفكرة بكل بساطة .... سمك ناجتس
( هي نجتس كبيرة شوية ..... ههههههه)
وخلينا بقى نشوف عملته ازاي .... وقدمته مع ايه ... ؟
أولا السمك ...
1- هنقطع السمك الفيليه الى قطع صغيرة ونتبلها بالليمون والتوم المدقوق ( أساسي ) وملح وفلفل اسود وكمون و هيل ( حبهان)
2- نسيبه في التتبيلة على الاقل ساعتين عشان السمك يتشرب الطعم كويس
ثانيا الرز ....
3- في الوقت ده هنعمل الرز ببصل (رز السمك) ,, نحمر 4 بصلات متوسطة مقطعة صغير في زيت .... لحد ما لونهم يبقى بني (مش محروق)
4- نضيف الرز المغسول جيدا ,,, ونضيف معلقة كبيرة صلصة طماطم ( يمكنك الاستغناء عنها)
5- نقلبهم كويس ونضيف عقد الماء ... وملح وفلفل اسود وكمون ونتركه لحد ما يغلي والمية تبدأ تقل خالص
6- ينقل الرز على نار هادئة جدا ويغطى ويترك حتى يتشرب المية كلها ويستوى.
نرجع للسمك تاني ....
7- هنرجع للسمك تاني ... بكل بساطة هنزيل التتبيلة من عليه ( عشان ما تتحرقش لما تتقلي ) ونبدأ نحطه في خلطة القلي وهي :
- دقيق شوية مش كتير
- بقسماط ( خبز مطحون)
- كركم لاعطاء اللون الذهبي
- كمون - ملح - فلفل بكميات بسيطة
8- هتبدئي القلي على نار متوسطة الى حارة .. ( عشان السمك يلحق يستوي) وده شكله بعد ما استوى ..
9- هنقدمه مع سلطة الطحينة والرز وسلطة خضراء ...
ودي النتيجة النهائية عن قرب .... جربوها بقى وادعولي ....
الروابط المفضلة