مسا الخير لاحلى صبايا
صرلي زمان ما نزلة طبخة يمكن من الملل
من فترة طبخت فول بلبن وصورتها
حكيت بدي اورجيها للصبايا الحلوين
هاي الطبخة كتير بحبها خصوصا بها الايام
انا اصلا بموت بطبيخ اللبن بحسه ببرد عالقلب بها الشوب
خلينا نروح للمقادير
نص كيلو فول مقلي
نص كيلو لحمة خاروف من الايد
بصلة مفرومة ناعمة
بهارات صحيحة هال وقرفة عيدان
رشه بهار اسود
سمنة ههههههه ما بطبخ بزيت للاسف
انا اصلا ما بكتر يا دوب معلقة
بس عنجد طعم الاكل غير شكل
على فكرة اللحمة لما تكون بالفريزر
بطولها وبحطها بطنجرة الضغط طوالي
وبفرم بصلة عليها وبضغطها
يعني من دون ما اقليها ولا اقلي البصلة
بس لما تكون اللحمة طازة بقليها مع البصلة
منشان تروح زنختها
بطبيخ اللبن بحط اكم حبة هال وعود قرفة
ورشة بهار اسود
ليش منشان مرقة اللحمة اتضل صافية وفاتحة
ساعتها اللبن بطلع ابيض
بس تستوي اللحمة بصفي المرقة طبعا
وبحط الفول بالمرقة وبخليه يستوي مس مو عالاخير
بعدين بحط اللبن مع معلقة نشا بمسك اللبن منيح
انا بستخدم لبن نعاج مافي اطيب منه للطبيخ
بنخلي اللبن يغلى منيح مع التحريك
عشان ما يفور
بنخليه يغلى 7 دقايق
بس يستوي بنحط اللحمة باللبن منشان
تتشرب نكهة اللبن
وهاد صحن الرز وفوقيه اللحمة
والرز بعملة بمعلقتين سمنة ومعلقة زيت
الزيت بعطي لمعة للرز
وهي الفول بس استوى
وهاي الطبخة بعد ما جهزت اتفضلو
وهاي لعيون احلى وعود
بعرفها بتموت على هيك طبخات
بعرف اني طولتها وهي قصيرة ههههه
بس ان شاء الله طبختي تعجبكم
وما تنسوني من دعواتكم يا حلوين
الروابط المفضلة