ألسلام عليكم

كيفكم الجميع ان شاء الله تكونو بخير
تشجيع لموضوع الاخت ريمونتى رح قدملكم طبق هالعكوب على شان هيك حكيت للفلسطينيات لأنه بس عنا موجود
بدل ما نشتري لحمه شقف بمبلغ وقدره بنعمله بلحمة كفته خلينا نشوف المقادير
وللعلم هالطريقه من صديقه حميمه الي مدنيه قدسيه وينك يا سمر الله يسعدك يا رب

ألمقادير
أنا عملت طبق لي ولزوجي بس
250 غم لحمة كفته بتكون مفرومه مع بصل وبقدونس وأنا بضيف حبة بطاطا بتعطي طراوه للكفته
وطبعاً ملح وبهار مشكل
عكوب على عدد حبات الكفتا وانا كنت مفرزته ومعروف عنا وقت العكوب الكل بفرز
1 كاس مرق لحمه عنا بالثلاجه متواجد

الطريقه

خذي قطعه من اللحمه وضعي داخلها حبه من العكوب وعمليها على شكل حبة كباب

ضعي زيت في وعاء على النار وقلي حبات الكباب
ضعيها في طبق قابل لدخول الفرن وأضيفي لها الشوربه

دخليها الفرن تتسبك 15 دقيقه
ويا سلام والله طعم رائع وبشهي

وقدميها مع الأرز المفلفل

بشجعكم تجربوه لانه فاخر عالاخر
ألف صحه للجميع

تسلمي يا عسل بس العكوب كمان معروف بالاردن هون بيسموه كعوب وبالعراق كمان كعوب ههههههههه وايضا بسوريا ولبنان وبسوريا بيسموه سلبين ههههههههههههه

ونحن ما النا نصيب بالطبق الطيب

مثل ما قالت الغالية ام موسى معروف عدنا بالعراق وخاصة بشمال العراق بأسم كعوب

بس طريقتك جديدة ومبتكرة

يعطيك الف عافية

صحة وهنا عليكم

الله يسلمهن هالإدين يا رب
الله يعطيكي العافية

الله يكرمك و يسعدك تغريد الحبيبة
اعتقد ممكن اللى زى حالاتنا ماعندهم كعوب يستخدموا اى نوع خضار أخر
ممكن جزر و بسلة (بازيلا)


يسلموا ايديكى
على التشجيع

تسلم إيدك وصفة شهية ورااااااااائعة

تسلم ايدك يا ست المعدلات
عكوبات بطيروا ضبنات العقل
الف صحه وهنا عليكم
فكره كتير حلوه

الله يسلم هاللادين يارب
فكرته عنجد حلوة
بتعرفي انه العكوب على ايدامه اطيب لسه من على لبن
بس شو اعمل انا السنة جبت كيلو ونص منضف مافيهم بيض كتير
ههههههه كلهم ضلوع الله وكيلك
خلص السنة الجاي بحط طبخة خص نص لهيك اشي

يا سلاااااام

نفسي يوم ادوق طبخك يا احلى توتو

عمري ما شفت العكوب و لا ذقته

بس اكيد من يديك و لا اروع

صحة و هنا

وعليكم السلام ورحمة الله وبركاته

ما شاء الله شكلها شهي

الله يعطيك الف عافية

وجزاك الله خيرا