غاليات لك الحبيبات اتمنى ان تكونوا جميعا بأفضل صحه وحال معى اليوم وصفات مشاوى ولكن سريعه فى المنزل بدون استخدام الفحم كلها صوانى مشاوى منزليه بوتاجازيه أن شاء الله تعجبكم وتنال رضاكم
اولا / كفته الحاتى المشويه وسر طراوتها وحلاوتها
الكفته كانت عقدتى كنت أجهل اتقانها ودائما اشتريها واجعل البائع يقوم بتتبيلها وعمل خلطتها لى ولكن قررت منذ فتره اتعلمها والحمد لله نجحت معايا جدا
المقادير
1 كيلو لحم مفروم (نصف كيلو غنم نصف كيلو بقرى )
2 حبه بصله متوسطه
قطعه من ليه الخروف
1 رغيف فينو ( صمون )
ربع حزمه كزبره خضراء ( فقط للنكهه )
ربع كوب صغير سفن أب ( مهم جداااااااااااااا )
ملح فلفل كمون بابريكا
اولا نقوم بنقع الصمون فى ماء وننشله من الماء بعد عصره ونفرم البصل
ونقطع ليه الخروف والكزبره هكذا
وفى الفرامه او الكبه نفرم كل الخليط اللى فى الصوره السابقه مع التوابل ونضيف السفن اب
نتركها نصف ساعه فى الثلاجه ثم نقوم بتصبيعها على شوكه او ملعقه هكذا
ترص فى صينيه هكذا وراعى ان تكون كبيره الحجم لان الحجم سيقل
نضعها فى فرن البوتاجاز لمده ساعه الا ربع وكل عشر دقائق نقلبها من كل الجوانب هكذا الى ان تتحمر
وتقدم هكذا
حقيقى كانت طريه وطعمها مميز لان كل المقادير أعطتها طراوه جميله ومميزه
ثانيا / صينيه الريش الضانى
المقادير
كيلو ريش ضانى
2 حبه بصل
ملح فلفل حبهان
كوب ماء
طبعا الريش بتكون مليانه دهون وهذه الطريقه تساعد على نضجها والتخلص من اكبر جزء من الدهون بها
نقوم بغسلها ونضعها فى صينيه
نقطع البصل ونضعه فوقها ومعه التوابل والحبهان
نتركها عالبوتاجاز على نار متوسطه وبعد ربع ساعه يكون ده شكلها
نضيف جزء من الماء وليس كله ونغطيها ربع ساعه أخرى
وكل ما الماء ينقص نزود
وبالتدريج سينشف ماؤها بعد مرور ساعه الا ربع
نقلبها على جميع النواحى الى ان ينشف الماء تماااااااااااااااااااما تمااااااااااااااااااااااما
نقوم بتعليه النار وسنجدها تحمرت واصبحت بهذا الشكل وتقدم
ثالثا / الفراخ المشويه فى الفرن
المقادير
دجاجه وزن كيلو
3 فصوص ثوم
حبه بصل متوسطه
حبه طماطم
حبه فلفل حارق
ملح فلفل كمون بابريكا
ملعقه خل
الطريقه
نغسل الفراخ ونضع التتبيله فى الكبه ونضيفها عالدجاجه بعد عمل شقوق ونتركها ليله كامله وهذا أفضل
نضعها فى صينيه ونضيف نصف كوب ماء وندخلها الفرن حوالى ساعه
الى ان تتحمر وتقدم وده شكلها يارب تعجبكم
دعواتكم بأن يحفظ الله ابنتى وجنينى وييسر ولادتى ويوفقنى فى دراستى
اللهم أمين
الروابط المفضلة