طبعا كلنا ملينا التكرار فى طرق طبخ اللحوم
و الطبق ده عملته كنوع من التجديد فى طريقة التتبيل
و يتقدم مع الرز او فى ساندويتشات
و ينفع يتعمل بالفراخ كمان
المقادير
لحم مقطع صغير و الكمية حسب افراد الأسرة
ملعقة خل ابيض
3 ملاعق مائدة خل بلسمى
صوص تتبيل السلطة الإيطالى و يستغنى عنه اذا لم يتواجد
بهارات (سماق و ملح و فلفل و زعتر و توم و بصل بودرة )
2 بصلة مقطعة جوانج
2 فص ثوم مهروس
2 فلفل رومى مقطع شرائح
زيت نباتى
الطريقة
ينقع اللحم فى كل المكونات و البهارات قبل الطهى ب 24 ساعة
و تشيلى التوم و البصل و الفلفل الرومى على جنب
تانى يوم تقدحى معلقتين زيت نباتى و تحطى اللحم فيهم
و لكن بعد ما تصفى التتبيلة منه
و ماترميش التتبيلة
لما اللحم يحمر زودى فوقة التتبيلة و كوب ماء او اكتر حسب الكمية بتاعة اللحم و سيبيه على نار واطية
يستوى
قبل قرب الإستواء
ضيفى البصل و التوم و الفلفل الرومى و سويهم مع اللحم
الأرز بالجنزبيل
المقادير
ارز مصرى او بسمتى و الكمية حسب اسرتك
معلقة مائدة جنزبيل طازة مفروم
فص ثوم مهروس
كركم
ملح و فلفل
زيت نباتى
الطريقة
يشوح الجنزبيل الطازج المفروم و التوم فى معلقة زيت نباتى و يضاف لهم مقدار الماء المناسب لكمية الأرز
عندما يغلى الماء يضاف الأرز و الملح و الفلفل و الكركم و الزيت و يفلفل الرز عادى
ارجو ان يكون وقتى و جهدى علم ينتفع به
*وصفه مبتكره*قطع اللحم المتبل بالخل البلسمى مع الرز بالجنزبيل من مطبخ ريمونتى
رد مع الاستدلال
كتبت بواسطة hanan73
الروابط المفضلة