السلام عليكم و رحمة الله ..
سلام وتحية أهل المنتدى الغالي ..ربما يعتقد البعض ان الموضوع الي بتكلم فيه مش مهم ..بس جدا مهم صدقوني ..ياله نبدأ..
اقترب الصيف و الاجازات وزيارات الاهل ..ادري بتقولوا شوه تخرف و تقول الحين بتبدأ الامتحانات ..بس اختكم فاضية عني كتاكيت صغار ما يروحون المدرسة و انا فاضية ما اشتغل ..شفتوا وحده صدق فاضية ..عاد لاحد يحسدني ..
عاد نرجع للموضوع ..الي هو الصيف و الاجازات ..صحيح ان فيه حد بيشرد و بيطلع عن الحر ..و الله اغبطهم الي بيشردون عن الحر ..هاه تراني قلت اغبطهم مش احسدهم ..بس ماعليه والله حتى احنا نقدر نسلى عمارنا و نستانس بلادنا وايد حلوه بسسسس تريد الي يعرف يستانس فيها ..
مسختها عاد لان هذا مو الموضوع الي اريد اتكلم فيه ..الموضوع خطير جدا جدا.. لا لا مو موضوع السارس الله يكفينا شره :s: ..الموضوع ..الموضوع
موضوع أكل نعم أكل حد يوعانه ..ترها معزومة بس بعد ما نخلص الموضوع ..
موضوعي اللي اريد الكل يشارك و يساعد فية العزايم ...كل وحده تحب يووم تعزم ياراتها و رفيجاتها تقدم احلى ما لذ وطاب وفي شكل حلو و طريقه تقديم رائعه ...
لحظه لحظه ..لا تروح احلامكم بعيد وتقولون أزيز يايه ويايبه معاها افكار رائعه ,,,بكل خجل و احراج اقول اني ما عندي و لا فكره حول هل الموضوع
عاد هنيه قلت ياله نتعاون مع بعض و نتساعد في حل هل المشكله ..الي للبعض يمكن ما تكون مشكله ابد ..عاد هنيه بدون ما يتخققن علينا يقومن و يساعدنا بكل محبة ..ادري اطلب وايد سوري..عاد اعرف ان خواتي بيتحملني ..صح "والله مادري شان ما يطنشني " افكر بصوت عالي علله ماحد سمعني
نرجع للموضوع مثلا :فوالة الضحى ..نريد من الحلوات اذا كان عندج فوالة الضحى شوه تسوين و تقدمين من يدخلن رفيجاتج الين يطلعن من الباب بالسلامه ..
اما اذا كانت العزيمه غداء او عشاء ..عاد هنيه الطبق الرئيسي معروف ذبيحة اما مشويه او كبسه وما الىذلك من تفنن في عمل الذبايح وهذا في الخليج بس الول الثانية يمكن غير .. "اذا حد عنده افكار في عمل الذبايح ياليت بعد يشارك"
عاد اكثر ما يحرني و يتعبني هو الاشياء التالية:
• شوه نقدم مع الطبق الرئيسي ..شوه هي الاطباق المصاحبة و الي تناسب الوليمه سواء غدا او عشا ..
• السلطات انواع اي الانواع تناسب الغداء و اي للعشاء
• الحلويات
• العصائر
• طريقة التقديم ..شوه يفضل تقديم قبل الوجبه الرئيسية و شوه بعدها
• كيفيه تريب المائده و كيفية توزيع الاطباق عليها
اسف وسمحولي مسختها وايد و طولتها وهي قصير ...ترى الموضع مهم لكل و حده تحب الظهور بصوره رائعه جدام زوجها خصوصا يوم يعزم ربعه .. يووه رجعت اطولها مع السلامه عن ارجع و اطولها ..باي
الروابط المفضلة