السلام عليكم ورحمة الله وبركاته
اللى يحب التغير ومايعرفش الصنف ده يتفضل معنا .
المقادير تعتمد على عدد الأشخاص يعنى سهل التحكم فيها المكونات هى :
- عدس مسلوق ( أسود )
- بصل مقطع
- ثوم مفروم
- صلصة طماطم
- ملح , فلفل , كسبرة ناشفة
- كسبرة خضراء مفرومة
- بصل مقطع جوانح ( محمر للوجه )
- كسبرة خضراء مفرومة , ثوم مهروس , زيت زيتون ( ايضا للوجه )
- زيت أو سمن ( حسب الرغبة )
- خبز عربى ( مقطع مكعبات ومحمر ) أو العجينة المذكورة
مقادير العجينة :
2/1 كوب دقيق
4/1 كوب ماء
ذرة ملح , ذرة سكر
رشة سماء للوجه بعد التحمير
الطريـــقة :
- نضيف مقادير العجينة مع بعض ونعجنهم كويس ونتركها ترتاح شوية .
- نرش دقيق ونبدء بتقطيع العجينة على شكل مربعات ونسخن الزيت لقلى العجينة بعد طلوعها من الزيت نرش عليها السماء مباشرة وهى سخنة حتى يمسك بها .
- نضع الزيت على النار ونضيف له البصل حتى يصبح لونه دهبى ثم نضيف الثوم بعد حوالى دقيقتين نضيف العدس المسلوق بعد تقلبتين نضيف صلصة الطماطم المخففة بالماء ونضيف له الملح , الفلفل , والكسبرة الناشفة وقبل النضج بحوالى عشر دقائق نضيف الكسبرة الخضراء .
- نضع زيت الزيتون على النار ثم نضيف له الثوم والكسبرة المفرومة ونقلب حتى يتحمرو مع بعض ونتركهم على جنب .
- نبدء بوضع العدس فى طبق التقديم ونضع العجينة المحمرة على جوانب الطبق ونضع الكسبرة المحمرة فى الوسط ومن حولها البصل المحمر ايضا وعليكم تخيل المنظر والطعم والف هنا وشفا
الروابط المفضلة