*وصفه مبتكره*كفتة الدجاج
السلام عليكم ورحمة الله وبركاته
كيفك يا صبايا شو أخباركم
اليوم كان غدانا
كفتة الدجاج
المقادير :للأسف ما صورتها
كيلو صدور دجاج مفروم ناعم
بطاطا .جزر.فلفل رومي
بندورة ,ثومة ,بقدونس.
علبة مشروم,علبة رب البندورة
نبدأ بطريقة العمل :
أول إشي بنبشر حبتين بطاطا وراس بصل على الدجاج
وبنفرم عليها ضمة بقدونس وراس ثومة
وبنخلطهن مع اللحمة والملح والبهارات حسب الرغبة
بعدين بنرق الكفتة في صينية
بعدين بنقطع الجزر والبطاطا والبصل شرحات وبنضيف علبة المشروم والفلفل الرومي
وبنقطع البندورة دوائر
بتركم مع الصور
وبعدين بنحط عليها رب البندورة مع وبنلفها في القصدير وبنحطها في الفرن من ساعة لساعة ونص على نار متوسطة
أنا قدمتها مع سلطة عربية وسلطة ملفوف أحمر ومخلل
وهذا الصحن أختي زينته لأول رد
وهذا عشان ما تحكوا عني بخيلة
وألف صحة وهنا
لا تنسوني من صالح دعائكم
رد مع الاستدلال
كتبت بواسطة جَنى
الروابط المفضلة