مسا الخير
اليوم جايبتلكم طبخة انا شخصيا بموت فيها
لانه اكلة الها نكهة مميزة وكتير سهلة
علمتني اياه وحدة حماتها لبنانية
ومن يوم ما جربتها كتير عجبتني واعتمدتها عندي
بنيجي للمقادير
دجاجة منظفة منيح
بنسلقها مع بصلة وورق غار وهال حب وملح
طبعا منكون ناقعين الرز عادي
هلأ بس تستوي الجاجة
بنجيب تومة 4 او 5 سنان وبنفرمهم عادي
وبنفرم معاهم قرن فليفلة بحرق وبنحطهم مع بعض بالمقلاية وبنقليهم
انتبهي ما بدنا يتغير لون التومة بس بمجرد يدبلو منيح
بعدين بنحط عليهم مقدار كاسة من مرقة اللحمة وبنخليهم يغلو منيح لحد ما تحسي المرقة جمدت شوي
وبنخليهم على جنب
والمرقة اللي بتضل حطي عليها لبن رايب عادي ومعلقة ماجي
وخليهم يغلو منيح مع التحريك
وفتي خبز وشربيه باللبن المطبوخ اللي عملتيه
واسلقي رز مع شعيرية عادي
هلأ حطي الفت بصحن التقديم
وحطي نص خلطة التومة والفليفلة عليه
وبعدين حطي الرز وردي حطي باقي التومات والفيلفة
وما تنسي تفرمي بقدونس
وتقلي صنوبر ولوز عليه
واناحمرت الجاج وحطيته عليه
وهاد صورة الطبق النهائي
صورتلكم صحن الاولاد
اتفضلو
ان شاء الله هالاكلة تعجبكم
وما تنسو تحطو جمبها اللبن المطبوخ
وفيكي تستبدلي اللبن المطبوخ باللبن الرايب العادي
وما تخافو الفلفل ما بعود يحرق بعد ما تعملي في هيك
ما تنسوني من دعواتكم الحلوة
الروابط المفضلة