مسا الخير يا احلى ستات
اليوم جايبتلكم معي طبخة كتييييييييييير سهلة
وما بتاخد وقت كتير
وبتنفع كمان للموظفات اللي وقتهم قصير

بنيجي للمقادير
فول مفرز او اخضر مقلي طبعا
بنحطه بطنجرة وبنحط عليه مي وشوية ملح وانا ضفت ماجي
بنخلي يغلى لحد ما يستوي شوي

بعدين بنصفي الفول من المي
وبنحطه بقاع الطنجرة وبنكون قاليين جزر وبنحطه فوقيه

وبنرش عليهم شوي بهار اسود

نسيت احكيلكم انقعو رز هههههه
بس بعرف انكم شاطرات ومعدلات

بنقلي شعيرية بنفس الزيت اللي قليتي فيه الجزر
وبنحطها على الرز وبنحط على الرز البهارات والعصفر
انا بستخدم قرفة مطحونة بهار سادة وبهار اسود

وبنحط الرز على الفول والجزر متل المقلوبة بالزبط
وبنحط عليهم مية الفول
وبنسلقه عادي
وهاي صورة الطبق النهائي بتتاكل مع لبن وسلطة

بتمنى طبختي تكون عجبتكم

بتجنن
الله يعطيكي العافية
أنا كنت اليوم طابخة مقلوبة وبحب أحط عليها الفول الأخضر بطلع طعمها كثير زاكي
يسلمو إيديكي

كتبت بواسطة shahdel7ya

بتجنن
الله يعطيكي العافية
أنا كنت اليوم طابخة مقلوبة وبحب أحط عليها الفول الأخضر بطلع طعمها كثير زاكي
يسلمو إيديكي

واديكي حبيبتي
هاي الطبخة بطبخها لما ما بكون جاي على بالي اطبخ
اهل نابلس بطبخو المقلوبة علة زهرة لحال او بيتنجان لحال
بس مقلوبتك عجبتني

رووووووووووعه
يسلم ايديك
مفيش اسهل منها
وشكلها طالع شهي

واديكي مصراتية
اكيد طعمها روعة جربيها وشوفي

عجبتنا ونص يا فروحه
ربيعيه يا سلام بتشهي تسلم ايدك يارب
ومطرح ما يسري يمري يارب

تسلمي ميسو
الله يسعدك ويخليلك اولادك يارب

كتبت بواسطة فروحة قلبي

واديكي حبيبتي
هاي الطبخة بطبخها لما ما بكون جاي على بالي اطبخ
اهل نابلس بطبخو المقلوبة علة زهرة لحال او بيتنجان لحال
بس مقلوبتك عجبتني

كثير ناس بطبخو المقلوبة إما على زهرة أو على بيتنجان
بس أنا بحب أحط كل إشي معها بحسها بتطلع أزكى

اه انا بحط معاها بيتنجان وجزر وفليفة حلوة
بس فول ولا مرة جربته الا لحاله
بس ان شاء الله بجربها وبحكيلك