بسم الله الرحمن الرحيم
راح اقدم لكم طريقة الجزر الأحمر المحشي بالتمر الهندي
كتير من الناس ما بيعرفو هاي الأكله وهي تعتبر من الاكلات الموسمية
يعنى على موسم الجزر الأحمر
نبدأ بالخطوات :
1- نقوم بنقع التمر الهندي وهاد بكون طعمه حامض بماء ساخن ونتركه حتى يطرى ونعصره ونصفيه ونتركه جانبا
وهاي صورة التمر الهندي
2- نقور (نحفر) الجزر مثل ما بنقور الكوسا والباتنجان طبعا من الجهه العريضة
ثم نقوم بحشي الجزر برز ولحمه وبهار عادي ثم نقوم بقلي الجزر بعد حشيه مثل المخشي طبعا اللب نحتفظ به لأنه راح نستعمله
3- نحضر الطنجرة ونضع فيها قليلا من الزيت ونقلب لب الجزر حتى يذبل
4-ثم نضع الجزر المحشي والمقلي على اللب ونضيف عليه ماء غمره ونتركه حتى يغلى
وقبل أن ينضج الجزر بقليل نقوم بإضافة التمر الهندي المصفى وفورا راح يتغير لون المرقه الى اللون الخمري وطبعا ما ننسى نضبط الملح
5- بعد ان ينضج الجزر تماما نقوم بعمل قدحة التومه ونضيفها الى الطبخة
وهيك بتكون طبختنا جاهزة للأكل
هي ممكن يكون فيها غلبه شوي بس فعلا طيبة كتير ويعني يا دوب مرة او مرتين بالسنة
وصحتين وعافية
الروابط المفضلة