((المكسيك))
واستقرت طيارتنا اليوم فى المكسيك ويا دلى يا دلى على المكسيك واللى بيجى من روايح المكسيك
اولا ماتعلقوش ان كل الوصفات اللى بجيبها من البلاد المختلفه بتكون فيها بازنجان بالرغم من انى مكنتش بحبه ولا بأكله لكن بدأت اكله بعد الوصفات اللذيذه الفتاكه ده
متهيألى عرفتوا الوصفه انهارده ايه
(( Cheesy Mexican Eggplant ))
صينية بازنجان مكسيكى بالجبنه لا تقاوم
المكونات
2 كيلو بازنجان مقطع شرائح
زيت
3 كوب صلصه تاكو (زيت//1/2 ك لحمه مفرومه//4 فصوص توم//3 م ك صلصه طماطم//ورق ريحان مفروم//1ونص كيلو طماطم معصوره//ملح//شطه//بابريكا//زعتر//كمون)
2 كوب جبنه بارميزان على شيدر
1/2 كوب كسبره مفرومه
الطريقه
اولا يقطع البازنجان ويوضع عليه ملح لينزل مايته
وفى اثناء هذه الخطوه
اضع التوم على مع الزيت على النار يصفر وانزل باللحمه المفرومه تستوى انزل بالطماطم والصلصه وباقى مكونات الصلصه ونص مقدار الكسبره
وبعد التسبيك اقفل النار يهدى
اقلى البازنجان فى الزيت او اشويه برشة من الزيت فى الفرن
لتحضير الصينيه
اخد 2 مغرفه من صوص الصلصه يعنى من غير اللحمه المفرومه واضعها فى الصينيه
وارصص البازنجان فوق الصلصه
واضع 1/2 مقدار الصلصه اللى عندى وارص باقى البازنجان وعليهم باقى الصلصه واخيرا الجبنه وادخلها الفرن تتسبك وتستوى فى بعضها والجبنه تسيح واخرجها وارش عليها باقى الكسبره وعيشوا مع الصينيه
الروابط المفضلة