*وصفة مصورة*تعالوا شوفوا سفرتي الخشبيه
السلام عليكم يا حلوين
اليوم اول مره انزل موضوع من مطبخي
بصراحه زوجي يحب الصحون الخشب وانا الفكره ابد مو عاجبتني
بس قلت يابنت اعقلي واعمليله سفره خشبيه عشان رضاه
واشتريت صحون خشبيه وقلت ما يصلح فيها الا دجاجه مشويه رهيبه
وهذي وصفة الدجاجه الطعمه>>>>> اخلصب علينا انتي ودجاجتك
المقادير
دجاجه متوسطه
2 بصله مقطعه ارباع
2 بطاطس مقطهع ارباع
4 جزرات مقطعه حلقات
التتبيلة
بهارات مشكله( كمون-فلفل اسود- كزبره-ملح-كركم) طبعا كلها مطحونه
علبتين لبن زبادي - 2 ملعقة خل ابيض- عصير ليمونه
الطريقه
تخلط مقادير التتبيلة مع بعض جيدا
ثم نتبل الخضار بيها ونخرجها في صحن جانبي
ونتبل الدجاجه طبعا بعد تنظيفها جيدا وغسلها بالملح والدقيق عشان الزنخه
نتبلها من كل الجهات ومن الداخل
ثم نحضر صينية ونفرشها بالقصدير ونضع الدجاجه بعد تتبيلها في وسط الصينيه ونضع بداخلها جزء من الخضار المتبله ونربط ارجل الدجاجه
ونجلسها في الصينيه جلسه ملكي وشيوخي ونرص باقي الخضار حولها ونرش عليها زعتر ناشف
ثم نغطيها جيدا بالقصدير ونلحفها تمام وندخلها الفرن لمدة ساعه وربع وبعدين افتحيها عشان وجهها يحمر
طبعا عملت جنبها ارز ابيض
وسلطة بطاطس بالبقدونس
وصحه وهناء وعليكم بالعافيه
رد مع الاستدلال
الروابط المفضلة