*وصفة مصورة *مكرونه بالكريمه والدجاج يمي يمي فعلا
أخواتي العزيزات دي اكلة اولادي المفضله وبيحبوها جدا بجد اكله خفيفه وسهله وطعمها يجنن
مكرونه بالدجاج والكريمه
المقادير
نصف كيلو مكرونه مسلوقه "اختاري الشكل اللي تحبيه " بس المهم ماتتسلقش سلق كامل
نصف كيلو دجاج بانيه "صدور مخليه من العظم والجلد"وممكن تخليها بالسمك االلي انتي عايزاه
وتتبل بمية بصل وملح وفلفل
الكريمه "ممكن تستعملي كريمة طبخ " بس انا بعملها ومقاديرها
2كوب لبن
3ملاعق دقيق
ملعقة زبده
ثوم مفروم
علبه صغيره مشروم شرائح
ملعقة زبده او زيت زيتون
الطريقه
تشوي الدجاج بعد تدبيلها لمدة ساعه تقريبا بس اهم حاجه ماتخلليهاش تنشف يعني باظبط حوالي 7 دقائق او اقل كمان علي حسب سمك الفراخ وبلاش لونها يبقي غامق يعني تفضل لونها فاتح
وده شكلها بعد الشوي
نضع حله علي نار هادئه ونضع الزبده او زيت الزيت "زيت الزيتون صحي اكتر"
ثم نضع نصف كمية التوم ويقلب بس مش كتير
ثم نضع فوقه المكرونه ويقلب جيدا لمدة دقيقتين ونرفعه من علي النار
الكريمه
زي ماقلت ممكن نعملها بكريمه طبخ وفي الحاله دي بتغليها علي النار وتبليها بالملح والفلفل وباقي التوم ثم نضيف لها المشروم ونتركاها تغلي
بس انا بعملها كاالاّتي
علي البارد اضع اللبن ثم الدقيق وتقلب جيدا جدا ونتاكد من عدم وجود تكتلات ثم تتبل ملح وفلفل وتوم
ثم توضع علي النار وبعد ما تغلي نضع علبة المشروم ونتركهم يغلوا مع بغض شويه مع استمرار التقليب علشان ماتلزقش
ودي طبها طريقه خفيفه لانها من غير زبده اوزيت ولوعايزه تضفيهم ما فيش مشكله
وعند التقديم نضع المكرونه ثم الدجاج ثم الكريمه فوق الوش
وبالف هنا وشفا
مستنيه رأيكم
رد مع الاستدلال
الروابط المفضلة