*وصفة متميزة*المظبي على الملح ..من مطبخي حياااكم
حياكم الله
المظبي على الملح
وجدت الطريقة على النت وأحببت تجربتها ونقلها إليكن
غالياتيفالشكر الجزيل لصاحبة الوصفة, الله يسعدها ويبارك فيها
وهي وجبة مكونة من الرز والدجاج المشوي على الحجر له طعم مميز ومذاق خاص ويختلف عن المندي والكبسة بأنواعها
أما هنا فالطبخ سيتم على الملح الصخري وكانت النتيجة راائعة جداً
والأهم من كل ذلك أنها سهلة التحضير ولا تحتاج إلى الكثير من الوقت والجهد
يعني ما في أريح من هيك
نجهز الدجاج ويُفضل الدجاج الكامل أو أفخاذ الدجاج
وننظفه بالملح بالخل بالطحين بالطريقة التي ترغبون
نعمل شقوق بالدجاج لو كان الحجم كبير
نحضر التتبيلة وهي مكونة من :
حبة بندورة متوسطة
حبة بصل متوسطة الحجم
ملح وفلفل اسود وكمون وكزبرة ناشفة ونص ملعقة صغيرة قرفة ونص ملعقة صغيرة زنجبيل بودرة
نص فنجان شاي زيت زيتون
نص فنجان شاي عصير ليمون
2 ملعقة خل ابيض
ملعقة متوسطة ثوم مطحون
نخلط المكونات كلها في الخلاط يُفضل خلاط الكأس حتى تنطحن بشكل جيد
نتبل فيها الدجاج ونضعه على جنب
نضع الملح الصخري بطنجرة ألمينو بارتفاع 10 سم
ونضعها على نار متوسطة ( ويمكن عملها على الفحم لو حبيتو )
تقريبا مدة ربع ساعة أو حتى نسمع أصوات طرطقة الملح
نضع الدجاج بحذر ونبعده عن أطراف الطنجرة
ونغطي الطنجرة بطبقتين من القصدير ثم نضع الغطاء ثم أي ثقل موجود بالمطبخ متل الهاون مثلا
أنا ما عندي هاون بس دبرت حالي
بعد ساعة من الزمن يصبح المظبي جاهز وبكون أخد لون حلو
أما بالنسبة للأرز فيُحضر بأي طريقة ترغبونها
أما بالنسبة لي :
ما كان عندي ماء دجاج أو لحم مسلوق
عملته بالمي العادية وطلع متل رز المطاعم خفيف وطيب
وكانت الطريقة على النحو التالي
وضعت زيت نباتي مع بصلة مقطعة ناعم وسنين ثوم مهروسين مع عودين قرفة وكم حبة مسمار وهيل وكزبرة حب ورشة بهارات كبسة
لما تحمر البصل أضفت رز أبو كاس المنقوع لربع ساعة والمنضف مع الملح
وأضفت الماء المغلي بمقدار عقدة اصبع ولما نشف وجه الرز بنوص الغاز عالأخير لتنشف المي تمام
بننقلها على غاز صغير لتتهدى تقريبا تلت ساعة وبكون الرز جاهز
بما أن كانت تجربتي الأولى بعمل المظبي ما عملت معها إلا الصلطة وكترتها كمانخفت نطلع بلا غدا ههههه
صورت قبل ما ضيف الزبيب الأصفر أو الكشمش وهو أساسي وبيعطيها طعمة طيب,,,لا تنسو إضافته
يُقلى مع القليل من الزيت النباتي ويضاف على وجه المظبي
ملاحظة صغيرة لسهولة تنظيف طنجرة الملح يوضع الماء على الملح مدة 5 دقائق
شرحت كتير يمكن بس صدقوني بعد أول تجربة بتصير من أسرع الوجبات
وكبرو الطنجرة لو العيلة عدد أفرادها كتير
ويمكن عمل المظبي باللحم بعد تتبيل اللحم بالبهارات المشكلة حسب الرغبة وعلى نفس المبدأ
مو صعبة أبداا
وصحتين وألف هنا
رد مع الاستدلال
مدونتي مطبخ ام مرمر و ليلو
كتبت بواسطة لالي لافندر
الروابط المفضلة