السلام عليكم

ياريت اخواتى الى فى ليبيا ايفيدونى اين اجد هده الاله والى اسمها الجوزيه

والى تعرفها ياريت اتقولى بكم السعر بالليبى

السلام عليكم ورحمة الله :

كيف حالك درناوية ؟

وينك معاش مبينة في الهدرزة !

المهم أنا أول مرة نشوفها الآلة هادي ، وأنا في امريكا مانقدر نفيدك

وأكيد تقولي في بالك ليش تردي على سؤالي ...

ببساطة أنا نبي نسأل عليها ، ماكينة شن هادي ؟ ماكينة اللويزة متع الحلويات !

وإلا أنا غالطة .....

أنا آسفة جداً ، لأني جاوبت على سؤالك بسؤال ...

و عليكم السلام و رحمة الله و بركاته

فطومة و عويشة زي ما قلتي هذه ماكينة اللويزة

درناوية أنا ندور عليها من فترة طويلة و وصيت عليها عدة مرات

اخر شيء وصيت عليها المدة الماضية من الصين

لكن مازال ما حصلتهاش و مش عارفة اذا حنحصلها او لا

ياريت اللي تعرف من الاخوات الليبيات

اذا موجودة الالة في ليبيا تفيدنا و تقوللنا على مكان وجودها

مشكورات اخواتى على الاهتمام

اختى فطومه بالنسبه لسؤالك جاوبتك عليه زوبه وبالنسبه للهدرزه امعش تلاقيت مع حد

شكرا زوبه على اهتمامك لكن يمكن نلقاها فى ليبيا او اى اخت تانيه اتفيدنى وتفيدك

كيف حالكم يا اليبنات كيف حالك اختي درناوية اني شفتها في موقع ebay من المانيا فيها فورمات اكتر واعتقد سعرها واصل لامريكا ب 75 دولار
واكيد ليبيا من المانيا ارخص بهلبة
اتمنى اني افدتكم يارب

تحياتي لكم جميعا

ان شاء الله تحصلوها ياربي
باهي شفتو محل الهوني ولا المهاري؟

شكراً أخواتي على الإهتمام

كتبت بواسطة libyaa2

ان شاء الله تحصلوها ياربي
باهي شفتو محل الهوني ولا المهاري؟

شكرا ليبيا على اهتمامك

الهونى والمهارى فى طرابلس ؟

انا عندى زيها من زمان بس مش كهربائيه واضن انها صناعه محليه
اسمها اللويزة وتحشى بالشوكلاته

السلام عليكم اخواتى انى برغم انى مش عايشة فى ليبيا حاليا انا اعرف عدة اماكن ممكن تلقى فيها هده الماكينة الاول زى ماقالولك ممكن فى سوق المهارى فى زاوية الدهمانى طرابلس محل الكريكشى فى شارع عمر المختار طرابلس اوفى محلات جزيرة الدوران فشلوم هناك مجموعة محلات للادوات المنزلية ممكن تجديها فى محلات سوق بوسليم طرابلس لالادوات الكهربائية وانشاء الله يقدرك ربى وتحصليها وانى تو اندير جهدى ونسالك حد يعرف ومتاكد انه وجدها فى مكان محدد ونقولك وتو هى السلام عليكم