منتدايا الغالي وحشتوني اوي انا تعبت من كتر ما ببعد عن المنتدى وارجع اقول وحشتوني وبعدين اغيب بس هيه الدنيا والشغل مش بيرحم بس دايما بيبقى في بالي المنتدى ونفسي ارجعه لان كل حاجة فيه بتوحشني حبيتا شارك مشاركة بسيطة للغالية لالي لافندر وملف الكفتة فعملت كفتتي السريعة كده كمشاركة بسيطة وقلت بالمرة انزل معاها وصفتين نزلتهم قبل كده بس من فترة وروابطهم الصور فيها مش شغالة ومش بتظهر فقلت ارفقهم بنف الملف لانهم اصناف من الكفتة برضه وهما قالب اللحم والبيض الاسكتلندي، اسفة على المقدمة والاطالة بس الشرح لازم يعني ويا رب يعجبكم مشاركتي.
المقادير:
½ كيلو لحم مفروم قليل الدهن
½ كوب بقسماط ناعم
½ ملعقة صغيرة ملح
كيس مرقة فورية (هام جدا بيعطي طعم فعلا)
بصلة مفرومة ولا تصفى من مياهها لان البقسماط سيؤدي الغرض ونستفيد من طعم ماء البصل
2 ملعقة كبيرة بقدونس مفروم
قليل من الفلفل الاسمر، وبهارات حسب الرغبة
قليل من الزيت لتسهيل التصبيع
الطريقة:
1- تخلط كل المكونات السابقة جيدا.
2- تصبع الكفتة باستخدام ملعقة خشبية مدهونة بالزيت لتصير مفرغة من الداخل كما بالصورة.
3- تدخل الثلاجة ¼ ساعة او اكثر حسب الوقت المتاح.
4- تدهن صينية بالزيت ويرص بها اصابع الكفتة وتدخل فرن متوسط الحرارة وتغطى الصينية بالفويل لمدة ¼ ساعة بالكتير.
5- ينزع الفويل لتتحمر قليلا وتصف بالاطباق وتزين وتقدم وبالهنا والشفا.
أعتقد مفيش اسهل من كده وبجد طعمها حلو اوي جربوها ومش هتندموا
برجاء عدم الرد حتى يكتمل الموضوع
* وصفات متميزة *الكفتةبالبيض الاسكتلندي وقالب اللحم مشاركة لاختي لالي لافندر
رد مع الاستدلال
كتبت بواسطة sharo_shereen
الروابط المفضلة