انا اقوم بوضعة فى البيض ثم البقسماط بس انا عاوزة اعملها منتفخة ومقرمشة مثل تشيليز الى تعرف الاسرار تفيدنى واللة يجازيها خير اانا سمعت بيحطوا بسكوت بدل البقسماط واللة منا عارفة يس ارجوكم الى تعرف تفيدنى يا عسولات

اختي العزيزه نورتي المنتدى
انا اقلك طريقتي وتكون مقرمشه وتعجبك ان شاء الله
اولا نضعه بالطحين ثم البيض ثم البقسماط وعلى البقسماط قليل من البكنج باودر
ويترك بالفريزر قليلا اي يتماسك ثم يقلى ونضعه على ورق نشاف للزيت وصحتين عافيه
ملاحظه نضع بهار وملح على البيض والبقسماط
ارجو ان اكون افدتك
وننتظر الصبايا ممكن يفيدوك ايضا

مثل ما قالت لك الاخت رندوش
ودي طريقتي انا كمان
بس لما تيجي تقليه اقليه في زيت وزبدة يعني تلت زبدة وتلتين زيت
وبعد القلي يؤكل مباشرة لانه لو استني بيطري زي اي حاجة مقلية
ارجو ان اكون افدك

مرحباً غاليتى

هقولك طريقتى فى عمل بانيه مقرمش جداً جداً

ولونه ذهبى

طبعاً تتبلى البانيه عادى بالبصل والتوابل

ثم تضعيه فى البيض وتضعى على البيض ملح وفلفل بسيط

بعدين تطحنى الكورن فلكس شوية قليلة مع البقسماط




وتقليه فى زيت غزير

والله تطلع ولا الجاهزة

وإذا بتحبيها حارة

تتبلى البقسماط والكورن المطحون بالشطة والفلفل الحار


وشوفى طبقى

أنا بحب البانيه وبعمله بطرق مختلفة

وحقيقى الطريقة دى عجبتنى جداً وعن تجربة



شوفى لونه وبيكون مقرمش


اما الطريقة الثانية

أنى بضع على التتبيلة لبن . نص كوب لبن أو كوب زبادى

وده بيخلى البانيه مقرمش من برا وطرى من جوا ولونه ابيض جداً

بعدين اضعه فى البيض والبقسماط وبخلط مع البقسماط شوى دقيق

وادخله الفريزر شوى


يطلع اقليه فى الزيت








وإن شاء الله هنزل موضوع عن وصفات البانيه بالخطوات كلها

إن شاء الله يفيدك أكتر

بالتوفيق حبيبتى

الله يعطيكى الف عافية يارب ايه الافكار دى كلها

وانا احب البانيه لكن ولامره عملته بالبيت ونفسى بوصفات اجربها وهذى انا لقيت بسوالك اجابات راح اطبقها وشكرا للاخوات

ما شاء الله كل الأفكار جميلة و مظبوطة

بس خلى بالك ان البانية الصح اللى تضمنى انه ما يفصل طبقة البقسماط عنه هو :

دقيق - بيض (ممكن معاه لبن) - بقسماط

ودى قاعدة وكل الشيفات بيوصوا بكدة

طبعا يفضل تتبيلهم بالبهارات و الملح و الفلفل عشان الطعم

وللقرمشة أكثر يضاف للدقيق و البقسماط بعض النشا ودا طبعا بدل طحين الكورن فليكس .. على طريقة الأخت poseecat

أو ممكن تعملى طريقة الشيف يسرى خميس فى الفراخ المقرمشة (مقرمشة قوى و روعة )

دقيق أبيض - بيض - 1/3 دقيق أبيض مع 2/3 دقيق ذرة اصفر

وأصبح متوفر أو ممكن تطحنى الذرة الصفراء للحصول عليه

جربى وإن شاء الله يعجبك

اشكركم يا بنات على الافادة ربنا يجزيكوا خير هجرب الطرق واقولكم النتيجة