بسم الله الرحمن الرحيم

السلام عليكم ورحمة الله وبركاته

مقلوبة شقلوبة من لموسة النموسة

اليوم رح اقدم لكم مقلوبتي المتشقلبة من الماسة المتألمسة

هذا الويك اند هذا يعني يوم الجمعة
خطرت في بالي اعمل المقلوبة وكان زوزي جاي الخميس الله وكيلكو وقال شو جايب كل اشي لاغراض المقلوبة ما عدى الكوكو واوا
يا حبيبي وشلون رح تزبط الطبخة؟

هو بنفع بلحمة
بس انا بحبها بجاج
اطرى والذ

والله يرضى عليه حمل حالة الساعة 11 بالليل ورجع جابلي الجاجة ورجع على السريع

ونويت النية ونمت نومتي الهنية والجمعة فقت على الصبحية وبلشت بطبختي الالماسية

الباتنجان نقشرة
ونقطعة ونرش عليه شوية ملح عشان اذا في شوية مرارة ولا مية تنزل وما يشرب مية كتير بس نقلية

ونقطع فليفلة وبطاطا كمان

وهلاء نقلي الجاج بس اشوية يعني يادوب ياخد لون ونشيله
على قولة زوزي قال هيك ازكى
بس اذا بدكوش تقلوه عادي بصير

نحضر الجاجة للسلق ونرش عليها رشة ملح عشان اذا طلعت الزفرة تطلع شقفة وحدة وتسهل عليها شيلها

ونضيفلها المطيبات
عود قرفة حب هيل فلفل حب اسود بصلة وعرق ميرمية اتعلمته من الاخت تغريد2007 وفعلا بعطي نكهة حلوة للمرقة

نقلي الفليفللات حمرة وصفرة وبرتقالي وخضرة اللي موجود عندك

والباتنجات ونحطهم على ورق مطبخ يمتص الزيت الزايد

ونفس الاشي للبطاطا

وهلاء بقاع الطنجرة نصف البطاطا وشوية فليفلة وبعدين الباتنجان عشان لا سمح الله لو لزقت الطبخة تلزق البطاطا ونكون حمينا الباتنجانات من اللزق بقاع الطنجرة

وهاي الجاج استوى ننشله ونصفه فوق الباتنجان

ونحط كمان طبقة باتنجان وفليفلة

ونحضر الرز بعد ما ننقعه ونغسلة...نضيفلة الملح والفلفل والبهار والقرفة ...نخلطهم ونضيفهم فوق الجاجات

هاي المرقة بعد ما صفيناها نديرها فوق الرز بحنية وشوية شوية خوف لتخرب الطبقات اللي عملناها

ونختبر الوضع اذا الملح مزبوط نمشيها واذا لاءا نعدل الطعمة بزيادة البهارات واللي ناقصها
يعني انا طلعت معي شوية دلعة فضفتلها كمان نص معلقة من كل نوع بهار وملح

وتركتها تغلي على نار عالية اول اشي وبعد عشر دقايق بس بلش الرز ينشف هبط الغاز على آخر شعرة
وتركتها شي ربع ساعة او لحتى يفتح الرز معك

وعشان اضمن انها تطلع شكل مقلوبة عنجد بترك الطنجرة مشقلبة شي 10 دقايق كمان على الصينية بدون ما ارفعها

ياللا نستنى عشر دقايق

تن تن تاتا تا
ترا ترا ترااااااااااااااااااااا





















شو رايكو؟ بها القالب؟









نقدمها مع صحن سلطة خضرة





وصحن لبن رايب






يعني خلص بكفي تصوير
هههههههههههه زوزي فرفطت روحو وهو واقف بستنى فيني اخلص تكتكة بالكمرة

فرهدتها عن بعض وريحنا الشقلوبة بصينيتها




وهاي احلى سكبة صحن















ههههههههه اسيل عم تدفى

عليها نهفات ها البنوتة










وبس خلالالالالالالالالاص


ريته صحة وهنا على قلوبكوووووو جميعاا

ومطرح ما يسري يمري
وكل جمعة وكل شقلوبة وانتو بالف صحة وهنا وسعادة انتو واولادكو وزيجانكو


تحياتي واحتراماتي

الماسة

ام سوسو ولولو

والتالت على الطريق

لموسه يا ناموسه

هالصحن ما بكفي الي وللتتار يعني حرام كل واحد لقمه ؟؟





يا عيني على السدر بيد سنفورتك الصغيره
يعني هيك بناك لوبنشبع والحمد لله
تسلم ايدك الناموسيه يا بطه

وربي يقومك بالسلامه

يميميم تسلم ايدك لموووووووووس

اخت صحن على السريع

هههههههههه الله يسعدك ما الزك يا لموسة

بس شو الشقلوبة هيا شقلبت لي كياني من جمالها

يسلمو ايديكي وصحة وهنا على قلوبكم

والله يتمم لكِ حملك على خير ويخليلك بناتك يا رب

بموت فى المقلوبه ماشاء الله عليكى تسلمى

كتبت بواسطة noorelhoda

بموت فى المقلوبه ماشاء الله عليكى تسلمى

نور الهدى دايما منورتينا يا بطة

ربي يسعدك ويهنيكي
واحلى مقلوبة شقلوبة لعيونك رح اطعميكي

كتبت بواسطة نسائم فلسطين

هههههههههه الله يسعدك ما الزك يا لموسة
بس شو الشقلوبة هيا شقلبت لي كياني من جمالها
يسلمو ايديكي وصحة وهنا على قلوبكم
والله يتمم لكِ حملك على خير ويخليلك بناتك يا رب

نسومة يا احلى ام سعد تعيشي يا قمرة وادوقي احللى مقلوبة من تحت ايدين كنتك يارب طبعا من بعد ما تفرحي بسعد الاميييييييير

كتبت بواسطة زهره النارنج

يميميم تسلم ايدك لموووووووووس
اخت صحن على السريع

صحتين يا غدغودة............وهاي مقلوبة خليلية ما بتتعوض اوعي تفلتي الصينية

كتبت بواسطة أم مــــالــــك

لموسه يا ناموسه
هالصحن ما بكفي الي وللتتار يعني حرام كل واحد لقمه ؟؟





يا عيني على السدر بيد سنفورتك الصغيره
يعني هيك بناك لوبنشبع والحمد لله
تسلم ايدك الناموسيه يا بطه

وربي يقومك بالسلامه

الصحن والطنجرة السدر كله تحت امرك يا ميسو
ريته صحة وهنا الك ولعيالك يارب

تسمحلى التهم هذا الطبق الشى جدااااااااااااااااااااااااااااااااا

ماشاءالله يالغاليه مقلوبه في منتهى الروووووووعه وبتشهي تسلم يدكِ