*وصفة متميزه*محشى كرومب من مطبخ امة الله
اولا انا احب اعتذرلكم ياغلى اخوات عن انقطاعى الفترة اللى فاتت
ودا كان بسبب ان بنوتى عملت عملية اللوز وهى الان الحمد لله بخير
وحبيت ارجعلك بحاجة جامدة
محشى كرومب
المقادير
كرومبه بالحجم اللى تحبيه حسب عدد افراد عائلتك
كمون
مقادير الحشوة
والحشوة انتى تحدديها على قد حجم الكرومبه
طماطم
ملعقة صلصة
ملعقة كبيرة زبدة او سمن
ارز
كسبرة خضراء
شبت
ملح وفلفل
قطع لحمة صغيرة او لحمة مفرومة ( اختيارى)
بهارات ( اختيارى)
الطريقة
ننضف الكرومة من الورق الزائد
ونقطعها
ثم نضع حلة ماء على النار
وعند الغليان
نقوم بفرك شوية كمون عليها
ونهدى النار ونوطيها خالص
بعدها نغطس ورق الكرومب ممكن واحدة واحدة
او اتنين حسب ما تقضى الحلة
ونترك الورقة لمدة 3 او 4 دقائق تقريبا
يعنى لغاية ما تطرى شوية
ونطلع الروق ونتركه فى المصفاه
لغاية ما يصفى
نيجى بقى لتحضير الحشوة
نعصر الطماطم فى الخلاط وعليها ملعقة الصلصة
ثم نضع ملعقة الزبدة او السمنة فى حلة على النار
وبعدها اضيف الطماطم واتركه يتسبك
وبعدها اضيف الارز واقلبه مرتين كده مثلا
واطفى البوتجاز
وبعدها اقطع على الحشوة
الكسبرة الخضرا والشبت واضيف
الملح والفلفل والبهارات
وابدا اقطع الكرومب واحشيه
وارصه فى الحله
وبعد الانتهاء اضعه على البوتجاز
على اصغر عين واوطى النار خاااااالص
ودا شكله لما استوى
اتفضلوا بالهنا والشفا
اتمنى يارب ان تكون الوصفة عجبتكم
رد مع الاستدلال
كتبت بواسطة amal250
الروابط المفضلة