اهلا اخواتى المشرفات واخواتى العضوات

زى ماهو فى العنوان بالظبط فته العيد بس جايه متاخره الصور عندى على الجهاز بس كنت بنزل اطباق اخرى عموما ملحوقه ولو متلحقتش نلحقها هههههههه



طبعا سلقت اللحمه بالطريقه المعتاده مع اضافه المنكهات
بصل - لورا - قرنفل - حبه مستكه - ملح فلفل






بعد كده نتجه للرز معلقتين سمن سيحتهم واضافت عليهم كوبايتن مايه وشويه ملح ولما غليت المايه اضافت الرز ولما الرز يتشرب زى كده نهدى النار خالص عليه




بعدها كسرت العيش المحمص فى طبق غويط زى كده






بعدين فرمت ثوم كتير مع قطعه جنزبيل صغيره ( الجنزبيل انا حشراه فى كل حاجه ههههه)
ونشوح الثوم فى حته سمن ولما تصفر نطفيها بالخل حوالى 3 ملاعق كبيره




بعدها بضيف معلقه صلصه معلقه واحده احنا مش بنحب الفتحه الحمرا اللى بالصلصه بنحبها البيضا بس بنحب يدوب نلون الثومه نلونه فقط ماما علمتنى كده وحبيت الطريقه دى لانها بتحسسنى بطعم الفته نفسى الاخوات اللى بيعملوها بصلصه متسبكه يجربو طرقتى دى ويقولولى ايه رايهم





بعدها بضيف كبشتين شوربه واظبط المقدرا بالمح وبهار بسيط وتبقى كده ثوم الفته جاهز



بعدها بشرب العيش كبشتين من الخلطه دى مع شويه شربه صغيرين مش بحب ابشنن العيش قوى عشان ميعجنش




بعدها اضيف بقى الرز اللى استوى وارش عليه باقى مقدار خلطه الثوم





وادى طبق اللحمه بالمرقه الجميله واحنا مش بنحب نحمر لحمه الفته



وخلصت فتتى اللى كانت سهله ومتعبتش حضرتى

يسلمو دياتك الحلوين

بارك الله فيك

عافاكِ ربي على طرح الطبق الشهي

والطريقه المصور..يسلمو ومشكورهـ.

يسلمو ايديكي
بتشهي ما شاء الله عليكي
الف صحه وهنا

مشكوره شكله كثيييييييييييييييير حلو

العنوان لذييييييييييييييييييذ

بلذة لفته اكيد يا حبيبه

تسلم ايدك والف هنا وشفى عليكم يارب

يسلمو يديك

مشكوره عزيزتي طبق فته شهي صحه وهنا

يسلمو ايديك رووووووووووووعة