السلام عليكم يا قمرات

دى عزومة رمضانية مصورها من بدرى بس لما فضيت قولت انزلها بس صور نهائية للاطباق بس اللى يحب طريقة اى اكلة انا حاضرة
دة شكل السفرة وهى لسة بتتجهز

ماشاء الله لاقوة الا بالله

الاول السلطات وهنزل طريقتها ان شاء الله فى المقبلات
دة بتنجان مخلل

ودى سلطة بنجر

دية شوربة لسان عصفور
طبعا بنحمر لسان عصفور مع زبدة وبعد ما تحمر نضيف الشوربة لغاية ما تستاوى ونتبلها وبس

دية مسقعة باللحمة المفرومة والبشميل
طبعا بنقطع البتنجان شريح ونحمرة بالزيت ونعصج لحمة ونضع طبقة بتنجان وطبقة لحمة وهكذا وفى الاخر بشاميل وعلى الوش شوية جبنة مبشورة رومى

ودة رز بالشعرية
نحمر الشعرية فى السمن الاول ونغسل الارز
وبعد ما الشعرية تحمر نحط الرز ونقلب ونضيف ملح وبعد كدة نحط الماية وبس

دية كفتة مشوية
نصف ك لحمة مفرومة وبصلتين مبشورين وفلفل وملح وبهارات وصبعتهم وحطيتهم بالفرن وطفيتها بفحمة اديت طعم المشوى خالص روعة

وهنا عملت ستيك بصوص الماشروم بتبل الاول اللحم بالفلفل والملح
هنا بعد ماشوحت شرايح الاستيك بالزبدة وسبتها على جانب وبعد كدة فى نفس الطاسة اقطع بصل قطع صغيرة وبعدين احط عليهم المشروم مقطع وسنة ثوم وبعدين اديها الكريمة وتغلى وبس وهنا مصورتش الشكل النهائى انتوا طبعا عارفين فى رمضان الوقت قصير جدا

ودة الصوص

وهنا فراخ مشوية تبلتها بالروز مارى وملح فلفل وجنزبيل
ووطماطم وماسترد جربوها وادعوالى وطبعا طفيتها بفحماية لما استوت

وهنا عملت ورق عنب العادى طبعا الخلطة صوص طماطم متبل كويس وارز مغسول ونلف ورق العنب ونسوية

ومكرونة بالباشميل
نسلق المكرونة فى الاول
المكرونة

وهنا لما عصجت اللحمة نجيب البصل نشوحة على النار مع سمنة وبعدين ننزل باللحمة وفلفل اخضر مقطع وطماطم مقطعة ونتبلها

وبس يا رب يكون العزومة عجبتكم
بس ادعوالى انا واسرتة بالصحة والعافية

ودة رابط السلطات

http://www.lakii.com/vb/showthread.php?t=616311

ياسلالالالالالالالالالالام انا اول رد يعنى انا العزومه دى كلها ليه وسعو بقى لما اقعد اتعشى اصل انا بتعشى متاخر
والعزومه جت فى وقتها
حببتى عزومتك تشرف وزى الفل تسلم ايدك يارب ويجعل بيتك دايما عامر بكل الخير
وكل سنه وانتى واسرتك طيبين

كتبت بواسطة حبيبة قلب امها

ياسلالالالالالالالالالالام انا اول رد يعنى انا العزومه دى كلها ليه وسعو بقى لما اقعد اتعشى اصل انا بتعشى متاخر
والعزومه جت فى وقتها
حببتى عزومتك تشرف وزى الفل تسلم ايدك يارب ويجعل بيتك دايما عامر بكل الخير
وكل سنه وانتى واسرتك طيبين

بالف صحة على قلبك يا قمر
ميرسى على زوئك ربنا يكرمك يا قمر يلة تعالى يا هلاااااااا

بسم الله ماشاء الله
سفرة دايمة وبيتك دايما عامر ان شاء الله

شكرا يا لالى ربنا يكرمك يا قمر على التميز حبيبتى

ماشاءالله عليكي حبيبتي وان شاءالله دايم عااااامر

واوووووووووو تسلم الايادى حببتى

جزاكى الله كل الخير يالغالية

ماشاء الله عليك سفرة في غاية الروعة