وااااااااااو اكلتى انهارده وااااااااااو
تجنن والصغار بيحبوها اكتر من الكبار
ومفيده جدا جدا ومألكومش على الدفا
بتدى طاقه رهيبه
وفى الاول وفى الاخر اسمها تفليته
سريعه فى مدة الطبخ
وممكن تحبشيها وممكن تخليها على ما هى
تفلتى انهارده
{{{ ارز وعدس اصفر بالبصله المحمره مع بيض مسلوق ومحمر مع الطماطم المخلله وشوية خضره وسلطه }}}
طبعا لو مشغوله تقدرى تخليها رز وعدس فقط وشوية سلطه واقلب
لكن بما انى قاعده فى البيت فملياش عذر
اولا الرز والعدس
المكونات الكميه تكفى 4 اشخاص
2 كوب عدس اصفر
1 كوب رز
7 كوب ماء لانى بحبها سايحه
قطعة زبده فى حدود نص الثمن يعني1/16 كيلو
الطريقه
اغسل الرز والعدس
واضع عليهم الماء واظبط الملح
واطبخهم زى ما بطبخ الرز بالظبط
لكن الفرق انهت لما تستوى بتكون اطرى من الرز كتييييييييير
وبعد ما تستوى اقدح الزبده لغايت لما تغلى
واصبها فوق الرز والعدس
واقلبهم كويس
واقفل عليهم النار وبالهنا
وتقدم مع بصله محمره
وبيض مسلوق وبعد كده قشرته وقليته فى قطعة زبده ورشيت عليه ملح وفلفل
ومع سلطات او مخللات ولو عندك خضره زى الفجل والجرجير والكرات
ومخلللى كان جديد انهارده
طماطم مخلله
المكونات
طماطم مقطعه شرائح دون ان تفصليها
توم مدقوق كتير
ملح وكمون وشطه
عصير ليمونه
قليل من الخل
الطريقه
اضع مكونات التتبيله على بعض واحشى بيها الطماطم وبالهنا والعافيه تفلتى
وده طبق بنوتى لما صحت من النوم
الروابط المفضلة