*موضوع متميز*كتف الخروف فى الفرن مع مجموعه من المحاشى من مطبخى بالصور.......!!!!
كل سنه وانتم طيبن خلص العيد على خير الله يزيد من اعياد وفرحه المسلمين اجمعين
وربنا يجعل بيوتكم دايما عامره بالخير والنعمه
ويجعل لكم من اولادكم وازواجكم قره عين ويكفيكم وانا شر الشيطااااااااااااااان الخبيث الذى يسعى دائما لتخريب اعيادنا وافراحنا والحمد لله على كل حال
طولت عليكم
اليوم هقدم لكم كتف الخروف فى مجموعه محاشى
كتف الخروف اهو
وادى التتبيله
ثوم
وجنزبيل طازه
ملح فلفل اسود بزياده
كمون وبهارت مشكله
وبردقوش بسيط
انا فتحت الكتف كده بسهوله خالص وخرمته شويه ودعكته بالخلطه من قبلها بليله
وتانى يوم زودت عليه 2 كوب مايه كبير وورق لورا وحبهان وقرنفل
وغطيته بالفويل وسبته مع نفسه فى الفرن
بعدها اتجهت للمحشى
والصور كانت صعبه لان يادى بتكون حالتها حاله ده محشى ياناس مش اى شى
الطريقه المصريه
نبشر بصل بالكبه متوسط الخشونه
ونشوحه لحد يصفر نضيف ثوم وجنزبيل مفروم ونشوح
ولما يدبل نضيف عصير الطماطم ولو الطماطم خفيفه مش فى الموسم بتاعها نضيف صلصه طماطم لحد ما نحصل على تسبيكه تخينه
وبضيف مكعبين مرقه واترك الصلصه تتسبك
بعد ماتتسبك ببهر الخلطه كويس قوى واضيف كام فص ثوم نى مفروم
والخضره المفرومه شبت وكزبره
بعدها اضيف الرز المغسول والمصفى وابدا فى الحشو
لكن الكوسه بخلى نصف المقدار رز ونصف الاخر لحمه مفرومه معصجه
ادى المحشى
دى كوسه وفلفل رومى ملقتش فلفل صغير انا بحبه يكون صغير قوى
وده ورق عنب وبصل
طبعا ونسقيهم بالشوربه ونتركه على النار يتشرب ويستوى وكده زمان الكتف استوى وكنت طبعا بشوفه كل شويه واذا احتاج مايه اضيف له
ادى الكتف
الدهن اللى فى الصنيه دى بدون اى اضافه منى نهائى ممكن تصفيه وتحمرى بيه اى لحمه بعد السلق
اللحمه من جوه طريه جدا جدا
وده المحشى
ودى السفره كلها وانا حطيت الكتف بصنيته عشان بيحبوا يغمسوا الصوص اللى تحته
واتمنى يكون الاكل عجبكم وكل عام وانتم بخير ولاتنسونى بدعواتكم
رد مع الاستدلال
الروابط المفضلة