ازيكم يااحلى اخوات عاملين ايه موضوعنا النهاردة لذيذ
سمك مشوى فى الفررررررررررررن

المقادير :

الخلطة دى تكفى لعمل 2 كيلو سمك
حوالى
6 سمكات بلطى وسط ودا طبعا بعد
ما ننضف السمك كويس جدا وننقعه نص ساعة
فى ماء وخل وملح لمدة نصف ساعة

والخلطة عبارة عن

1 حبة طماطم مفرومة مدروبة بالخلاط
1 حبة طماطم مقطعة قطع صغيرة
راس ثوم مفصص
بصلة متوسطة
فلفة رومى خضرا
قرنفل ( اختيارى)
3 ليمونة
خل قليل
بهارات
بقدونس مفرى
كسبرة ناشفة او خضرا وممكن الاتنين مع بعض
ملح وكمون

الطريقة:

نفرم الثوم والبصل والفلفل فى الكبة ومعهم ملح وكمون
ونضع عليهم باقى مكونات الخلطة
نحشى السمك بالخلطة ونتبله من فوق ومن تحت
ونرصه فى حلة على بعضة ونسيبه يتبل لمدة ساعة مثلا

بعدها ندهن الصينية بزيت وقبل ما نرصه فى الصينية
نشيل التدبيلة اللى فوقها وتحتها لكن نترك التدبيلة التى بداخلها
ونرصه فى الصنية ونرش فوقيه قطرات من زيت الزيتون
وندخله فى الفرن
ولما نحس انه استوى نشعل عليه الشواية
تاكدى من انه استوى وطلعيه وبالهنا والشفا

اتفضلوا يلا
دا شكله وهو لسه طالع من الفرن حاسبوا لسه سخن ههههههه

دا شكل السفرة كلها اتفضلوا

وصورة كمان

ودا شكله فى الطبق

ودا طبق تانى عشان ماحدش يزعل

يارب يكون الاكل عجبكم بالهنا والشفا
استودعكم الله

جميل يا امه ماشاء الله فتحتى نفسى حبيبتى
تسلم ايدك وبالهنا والشفا

تسلم ايديكي يا قمر بصراحة مافيش احلي من السمك
خاصة الغير مقلي لانه خفيف
بس كفاية احسن انا جوعت جدا مع اني لسه متغديه

يا سلام عليك يا امة الله تسلم ايديك وصحه وهنا
بس ايه مش عوزة طبق عوزة حصتى كامله
ده نصيبى

ماشاء الله تسلم ايدك

ما شاء الله شهي تسلم ايديك

سلمت يداكِ عزيزتي على الوصفه الطيبه

ما شاء الله تسلم الايادى وبالف هنا

يسلمو ايديك يارب

روععععععععععععععععععة شكله بيشهي مافي اطيب من السمك لا الدجاج و لا اللحمة ابدا ابدا