السلام عليكم و رحمة الله و بركاته

كل سنة و انتوا طيبين و يارب دايما فرحانين

عايزة مساعدتكم يا خبيرات يا حلوين
ما تخافوش المساعدة مش مادية المساعدة معنوية
انتوا بس تدونى خبرتكم و السبع هو اللى هيدينى الفلوس
و طبعا عشان يدينى الفلوس لازم يقولى ليه و منين و بكام و ازاى و عشان ايه الخ الخ الخ

المهم انا عايزة اشترى حلة ضغط

بس عايزة اعرف ايه احسن نوع؟
هلى حلة الضغط هى البريستو؟ (معلش جهل بقى )
بتستخدموها فى ايه غير اللحوم؟ يعنى بمعنى اصح ايه مدى الاستفادة منها؟

و ياريت لو اى واحدة عندها اى نصيحة او معلومة او تعليق عن الحلة دى عامة

أنا استعمل ماركة سِب الفرنسية كليبسو هيك بظن اسمها :d
ممتازة جداً جداً وآآآمنة أهم شي لأني كنت أخاف من هي الطناجر بشكل غير عادي
أستعملها لسلق اللحوم ولعمل المحاشي( ورق العنب والملفوف) ولطبخ الفريكة وللشوربات و مممم ايه كمان ..باختصار لها استعمالات عديدة جداً ولا استغني عنها
وأكيد الطبخ فيها غير

بصي يا ست الكل الحله دي وجودها في البيت عشره علي عشره بتسلقي فيها اللحوم والبقوليات اللي بتاخد وقت وتطبخي فيها البط والحاجات اللي بتاخد مده عالنار ..بس لازم يكون أمنه في الأستخدام لأن أي أستخدام خاطئ بيبقي خطر جداا أو لو نوع الحله نفسه مش بيوفر أمان كافي في الأستخدام...والحله البخار هي الضغط هي البريستو كله واحد..أفضل الأنواع بقي البنات يفيدوكي لأن للأسف أنا معنديش ههههه>>>>عماله تدي نصايح
ماما عندها بس من زمان طبعا ومش عارفه ماركتها أيه الحقيقه لكن طبعا الأواني الفرنسيه بتبقي ممتازه وكليبسو اللي قالت عليها بسمه كنت بشوف أعلانها ورائعه فعلا ...

حبيبتى ان استعمل نفس طنجرة الاخت بسمة وممتازة ممتازة جدا جدا يلا هجوم على جيب سبع البرومبة انشاء الله دايما جيبه عمران

وعليكم السلام ورحمة الله وبركاته
وكل عام وانت بالف خير
عزيزتي انا استعمل قدر الضغط الفرنسي من سنين
عدا اللحم للبقوليات مثل ما ذكروا الاخوات وناجح جدا
مع الاستخدام الصحيح بكمية الماء المضاف وعدم فتح الغطاء بعد اطفاء النار الا عند اكتمال خروج البخار

اختي اشتري اي نوع المهم انتي كيف بتستخدميها منيح والمهم تكون ستانلس ستسيل
واستخدميها لكل انواع الاكل انا مافي طبخة ما بستخدمها فيها لانها بتوفر وقت وجهد الا الصواني طبعا بالفرن
حتى الدرة بسلقها فيها
انشا الله اكون افدتك

حبيبتى ارى صديقتنا لم يقصروا و اتمنى اضيف لكى معلومة انا بتعامل مع الحلة الضغط من زمااااان لانها عند ماما من يمكن عشرين سنة .....حاجة زى كدة ...........اولا هى فعلا البيستو ....ثانيا استخدمتها كتييييييرجدا مثل سلق اللحوم عمل المحاشى خاصة البمبار عمل الفول المدمس البيتى عمل البليلة كل حاجة بتاخد وقت فى عملها ممكن تحطيها فى البريستو.......ثالثا الانواع انصحك انك تجيبى السب الفرنساوى دى اللى انا بستخدمها تحففففففة فى منها نوعين الالمونيوم و الاستنلس استيل طبعا الاستنلس افضل فى منها تقريبا تلات مقاسات 8&10&12تقريبا مش متاكدة انا بستخدم مقاس 10 حلو ومناسب على العموم انتى ممكن تقررى المقاس اللى يناسبك لما تشوفى المقاسات ..........رابعا منين وبكام انا مش عارفة انت فى اى بلد واضح انك مصرية مغتربة زى على العموم انا شوفتها فى السعودية و كانت بحوالى 500 ريال لو انتى فى السعودية ممكن اكتبلك تفاصيل زيادة...........امنى اكون جاوبت على اسئلتك ولة فى اسئلة تانى اكيد ان شاء اللة مش هتاخر عنك....لكن نصيحة لازم تكونى عارفة ازاى تستعمليها هى سهلة جدا .......

اولا تسلمولى با بنات و الله على ردودكم اللى زى العسل دى
نصايح مفيدة و خفة دم ربنا يخليكم
بس انا روحت اشتريها
اولا مالقيتش نوع سب اللى قولتولى عليه
لقيت تيفال و كينوود و حاجات كده
و لقيتهم بالكهربا و انا عايزة احطها ع النار
و كمان مكتوب عليها انها لطبخ الارز مش عارفة يعنى هى بيبقى مكنوب عليها الرز و انتوا بتستخدموها فى باقى الحاجات و لا ايه
معلش زهقتكم بس يا ريت كمان لو حد عنده صورتها ينزلهالى
و على فكرة انا فى الامارات فى ابوظبى يعنى لو حد يعرف بتتباع فين يقولى و يقولى سعرها
و ربنا يجازيكم كل خير

السلام عليكم ورحمة الله وبركاته
اختى الحبيبة ام ياسين شوفى يا عسل
احسن نوع ان شاء الله تلاقيه هو سب الفرنسى
وهتلاقيها عندك فى الفلاح بلازا انا شوفتها هناك وهى سعرها تقريباً 500 درهم
وشوفى حلة الضغط غير جهاز تحضير الارز اللى بيشتغل بالكهرباء دى ليها استخدام والضغط ليه استخدام
وخودى بالك جهاز طبخ الارز بيكون تيفال من جوه وهو للارز او للخضار على البخار فقط ودى سعرها ارخص بكتير من الضغط
حلة الضغط اما المونيوم او استنلس وحلة الضغط اللى بقولك عليها هتلاقيها مكتوب عليها من فوق seb
يا رب اكون افدتك وسامحينى مش عارفة ارفق صورة ليها
وربنا يوفقك لشراء احسن نوع

أختي هي نفسها تيفال
شوفي هذي صورة سريعة التقطتها لكرتون طنجرة الضغط


مكتوب عليها تيفال وكليبسو وماركة سِب الفرنسية
ما بعرف ليش معقدينها هههههه
بس نصيحة
اشتري من هذا النوع ولو غالي شوي بس مريح
واشتريها حجم متوسط أو كبير لا تقولي عيلتي صغيرة
بكرة بتكبر العيلة ما شاء الله وبتصيري تقولي يا ريت عندي أكبر

وهي مو لطبخ الارز لا تختلف
أنا بعمل فيها مضغوط (لحم وأرز أو دجاج وأرز )
لكن الرز فيها يختلف عن الرز يلي بنعمله
خبرينا شو بصير معك
موفقة يا رب