كل سنه وانتم طيبين
مفيش احلى من مناسبه العيد عشان اتشجع وانزل اول موضوعاتى اللى بتمنى من ربنا انها تفيد الجميع خاصة المغتربات بعيدا عن اهلهم وعندهم حنين لاكلات مصر المشهورة فى العيد
طبعا هنبتدى باول حاجه واشهر حاجه
الفته المصرى بالخل والتوم
المقادير
3 كيلو لحم بقرى وممكن ضأن بس احنا بنفضل البقرى لانه اقل دهنا
2بصله مقطعه ارباع
3 فص حبهان
3 ورق لاورا
ملح وفلفل اسود
ماء يكفى لغمر اللحم
3 كوب ارز مصرى
2 رغيف خبز بلدى مصرى .. اللى بالردة..
راس توم كامله مقشرة ومفرومه
ربع كوب خل ابيض
3 ملعقه زبدة بلدى
كمية من الزيت النباتى
ليتر عصير طماطم فريش مصفى
صنوبر للتزين محمص فى معلقه زبدة
الطريقة
فى وعاء عميق يوصع اللحم والبصل ويغطى بالماء تماما ويرفع على النار وتنزع الرغوة عند ظهورها ثم يضاف الملح والفلفل الاسود والحبهان واللاورا و تترك حتى نضج اللحم
يرفع اللحم من المرق وفى وعاء مناسب لنضج الارز نضع الزيت النباتى على النار ثم نأخذ من المرق مقدار اربع اكواب وعند الغليان نضيف الارز ونهدء النار حتى نضج الارز
نضع الزبد فى وعاء مناسب للصلصه حتى تقدح ثم يضاف التوم ويقلب حتى يحمر وبسرعه نضيف الخل الابيض ويترك دقيقتين و نأخذ منها مقدار اربع ملاعق كبيرة ونضيف عصير الطماطم للمتبقى من الدقه على النار ونضبط الطعم بالملح والفلفل الاسود وتترك حتى تتسبك
فى طبق فرن او وعاء واسع عميق نكسر الخبز وتحمرة قليلا فى ملعقه زبدة ويرفع من على النار ويوضع المرق الساخن على الخبز ومقدار الاربع ملاعق من الخل والتوم ويغطى حتى يلين الخبز ويتشرب نكهة الدقه ثم يضاف طبقه من الارز
وتضاف الصلصه على شكل دوائر للتزين
ويحمر اللحم فى الزيت النباتى ويرص فوق الفته ويزين الطبق بالصنوبر المحمر و تقدم الصلصله فى وعاء خاص بها لمن يريد اكثر
وبالهنا والشفا
على فكرة الطبق ده فطار كل المصريين فى عيد الاضحى
يتبع.............

الممبار على الطريقة المصريه
2 كيلو ممبار وسط
5 اكواب ارز مصرى
2 بصله كبيرة مفرومة
3 حبة طماطم مفرومة
2 ملعقه معجون طماطم
ربطة شبت وبقدونس مفروم
زيت نباتى
ملح وفلفل اسود وشطه وبهار مشكل
حبهان ولورا
ماء يكفى لغمر الممبار

الطريقة
ينظف الممبار جيدا وذلك بقلبه من خلال دفع الماء من الصنبور الى الجهة الاخرى من الممبار ثم تكحت بسكين غير حاد حتى تزال الطبقه المخاطيه ويوضع فى ماء مضاف له خل ثم يعاد قلبه مرة اخرى للجهه الاخرى وينقع فى ماء بملح
وبكده يبقى الممبار بقى فل الفل وريحته شممممممممممم الله
نخلط كل المقادير الباقيه سويا ويحشى بها الممبار ويربط الممبار على مسافات برباط الطهى ... زى اللى بنكتف به الرستو... حتى يصبح كالاصابع الصغيرة
نضع كميه من الماء تكفى لغمر الممبار وعند الغليان نضع الممبار وننزع الرغوة ثم نضيف الملح والفلفل الاسود والحبهان واللاورا ويترك حتى النضج ويجب ان تقفى امامه لانه ينضج بسرعه حسب سن الذبيحه
وعند النضج ينزع من المرق ويحمر فى زيت نباتى غزير ويرش بالملح والفلفل الاسود ويزين بالبقدونس
يتبع........

ما شاء الله عليكى والله شوقتينا للعيد واللحمه اصل مش بنشفها غير فى العيد هههه
منتظرين باقى السفره من ايدك تسلمى

العليقه مع الكبد والقلب
المقادير
1 عليقه..... الرئتين او الفشه......
كبد وقلب الذبيحه
ماء مفلى
بصله مفروم
زيت نباتى
ملح و فلفل اسود وبهارات
الطريقه
يوضع القلب والرئتين فى الماء المغلى على النار حتى تنزل الزفرة
ثم تنشل من الماء وبعد ان تبرد تقطع شرائح صغيرة
وكذلك الكبد
فى طاسه عميقة يوضع ملعقه زبدة وتحمر البصله حتى تصفر ثم يضاف الكبد ويقلب لخمس دقائق ثم تضاف الرئتين والقلب ويتبل الجميع ويقلب جبدا ونضيف كوب ماء ونتركهم حتى تجف مائهم وتتحمر المحتويات
تقدم فى طبق مسطح وترش بالبقدوتس
ويقدم مع بطاطس محمرة وخبز سااااااااخن

شكرااااااااااااااا جدااااااااااااا على تعليقك الظريف با شيما بس بلاش تتطلعى سمعه على اهل اسكندريه دا احلى لحوم بناكلها فى اسكندريه
وباقى السفرة فى الطريييييييق
كل سنه وكل حبايبك بخير
ويارب نتقابل عند الحرم يااااااااااااااااااااارب

المخ بانيه
المقادي
كيلو مخ
ماء مغلى به ملعقه صغيرة ملح
بيضة
ملح وفلفل اسود
بقسماط
زيت غزير للتحمير
الطريقة
يوضع المخ فى الماء المغلى لمده ربع ساعه ثم ينشل وينزع منه العروق والشعيرات الدمويه الرفيعه ويقطع قطع سميكه ويتبل بالملح والفلفل
ثم يغمر بالبيض ثم البقسماط ويحمر فى الزيت الغزير
يقدم فى طبق مسطح ويجمل بالبطاطس الشيبسي ورشه بقدونس
وبالهنا والشفا
يتبع..........

الطحال المحشى
الطريقة
كيلو طحال بيكون حوالى اربع طحال
بصله مفرومة
نصف كيلو لحم مفروم معصج
2 كوب ارز مصرى
شبت وبقدونس مفرومين
2حبه طماطم مفرومه
ملح وفلفل اسود
حبهان ولورا
ماء يكفى لغمر الطحال
زيت للتحمير
الطريقه
يغسل الطحال جيداجدا بالدقيق ويوضع فى ماء وملح قليلا حتى تزول اى زفارة
يشق الطحال من الجانب
نخلط بافى المقادير ماعدا الماء والزيت
يحشى الطحال بالخليط جيدا ويخاط الشق بعد الحشو ويضغط عليه بخفه حتى تستقر الحشوة
يغلى الماء ويضاف له الحبهان والاورا والملح ويوضع به الطحال حتى النضج
ثم يحمر فى الزيت ويقدم على فرشه من اليقدونس المفروم
بجد الاكله دى اكثر من رائعه و لو جربتوها هتعجبكوا اووووووووى و على ضمنتى
يتبع........

تسلمى يارب واهلا بك معنا وعيد سعيد مقدما

ما شاء الله وصفات جميله جدا وجايه في وقتها تمام انا بجد بموت في الممبار ونفسي فيه بس للاسف انا مش بلاقيه هنا في الكويت
والفته روعه وجديده عليا وصفة الطحال المحشي انا الحقيقه بعمله زي طريقة الكبده ان شاء الله اجربه محشي وفي انتظار باقي وصفاتك يا قمر

شكراااااااااا لك يا اخت نور الهدى على ترحيبك بى وارجو ان تجربى الوصفات ومستنيه رأيك وكل سنه وانتى بخير وكل حبايبك طيبين