طبخة عشاء للزوجين فقط ...!

**زوزو** · 03-07-2001, 05:15 AM

بسم الله الرحمن الرحيم

أقولكم على طبخة جداً مغذية ...!!
المقادير و الطريقة معاً :

جيبي دجاجه و أقطعيها جزئين ، جزء الصدر حاولي تشيلين منه العظام ، وجزء الفخذ قطعيه قطعتين فقط .. و حطيهم في ماء مع شوية ملح علشان تنسلق الدجاجه عدل .
أقطعي حوالي 5 بصلات بحجم الوسط على شكل دوائر متساويه في السُمك ، و حمريها في الزيت بس لا تخلينها تتحمر كثير ، وحطي معاها طماطتين مقطعتين صغار ، و بعد 1 بطاطا مقطعة لمربعات صغيرة ، و بعدين حطي معاهم فصين ثوم مفرومين ناعم ، وبعدين تحطين حوالي كوب ونصف سماق أحمر ، وبعدين تحطين علبة معجون طماطم ، مع شوية ملح و بهارات قليلة ، وتعصرين ليمونه كامله عليها ، و بعدين لما تلاقين الدجاجه أستوت حطيها على الخليط السابق ، مع إضافة ملعقتين كبار من مرق الدجاجه عليهم وخلطيهم بتأني ، و بعد دقائق قليلة ، حطيهم في صينية بايركس (( المقاوم للحرارة )) و خليه يسخن داخل الفرن مع تغطية الوجه ، وقبل التقديم بثواني شيلي الغطاء ، وقدميه .

والمرق أعملي منه شوربه ، مع سلطة الباذنجان ، والتبولة ، وعصير كوكتيل ، مع وردة حلوه على الطاوله وجنبها شمعتين ، و... صدقوني بتكون ليله حلوه ....و بالعافيه .

و لكم تحياتي .

**أم غانم** · 03-07-2001, 10:50 AM

امممم والله الاكله شكلها لذيذه ...ان شاء الله لازم اجربها .....

**الجمان** · 05-07-2001, 09:11 PM

مشكورره أختي زوزو...أنا جربتها وطلعت جدا حلوه...

**عمانية** · 07-07-2001, 11:47 AM

هلا والله زوزو ..مشكووووووووورة والله يعطيك الف عافية على هالطبق
بس مو كأن السماق كثير عليه واللا ردي علينا بسرعة عشان نجرب

سلاااااااااام

**زوزو** · 08-07-2001, 02:55 AM

بسم الله الرحمن الرحيم
الأخوات :
ساره 2002
الجمان
عمانية

و يعافيكم بعد ...
و بعدين عزيزتي عمانيه السر أصلاً في السماق ، ولو ما تحبين كثرته قللي منه شوية حسب ما تحبين ... وبالعافية مقدماً ..

ولكم تحياتي .