السلام عليكم الغاليات

اشحالكم ان شاء الله بخير

انا دايما كان عندي استفسار بخصوص البهارات المستخدمة في الاكلات ,, شي بهارات مخلوطة اصلا تنشرا من السوق جاهزة وشي بهارات خاصة بيسويها الطباخ بطريقة معينة ,, فسؤالي هنيه هل ممكن انكم يا طباخاتنا العزيزات تعطونا شوية من خبراتكم في طريقة وماهية البهارات اللي تطبخونها في اكلاتكم المميزة ,,

الموضوع راح يكون اكيد مرجع للكل للطباخة المتمرسة وللطباخة المبتدئة امثالي يعني ... ولذلك اتمنى انكم تذكرون الطريقة بالمقادير السهلة اللي هي ملعقة او كوب او استكانة ليسهل على الجميع المتابعة واتمنى ايضا لو ممكن تحطون صور لان بالنسبة لي صدقوني احاول اتعلم بس المشكلة اني ما اعرف شكل البهارات قبل الطحن

ولكم مني ومن جميع المستفيدين جزيل الشكر

والله يوفقج الجميع لما يحب ويرضى

@ اختكم في الله @

ام ناصر

اختي نجمة هذا الرابط يفيدك
http://www.lakii.com/vb/showthread.php?t=373736

بارك الله فيك مشتاقة على الرد
ما قصرتي

السلام عليكم الغاليات

ما قصرتن خواتي والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر

كتبت بواسطة لالي لافندر

بارك الله فيك مشتاقة على الرد
ما قصرتي

مشكورة يا عمري ماسويت شي
هذا كله من خبراتكم اللي استفدت منها هواية

كتبت بواسطة نجمة الفجر 2000

السلام عليكم الغاليات

ما قصرتن خواتي والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر

تدللين ام ناصر
صدقيني راح تلاقين هنا خوات مبدعات ويساعدونك بكل شي ومايقصرون
وكل الهلا بيج

سؤال مهم أختي بس الجواب يعتمد من شخص لآخر

كنت أعتقد أنه البهارات كلها مثل بعض ونستخدمها في كل شي لكن بعد ما دخلت المطبخ وعشت فيه قمت أنا اتفنن في البهارات و أغير على كيفي مثلا

-للسمك قبل قليه أحشيه ببزار مع اللومي الاسود

-لغلي الروبيان اضيف في الماء أعواد دارسين وكركم ومسمار والقليل من ورق الغار لإضافة الرائحة الزكية

-لغلي الدجاج كركم وورق الغار وأعواد دارسين وملح ممكن أيضا بعض حبات الهيل

بس فيه خلطة بهارات أمي الغالية الله يسلمها لي أتسويها بنفسها ريحتها أمممممممممممممم تجنن فوق ما تتصورين تخلط أنواع كثيرة من البهارات عمري ما سمعت عنها ولا شفتها حاولت أصورها مرة بس ما تطلع الصور واضحه المهم انها تستخدمها بس في المجبوس أو في طبخة أنسويها لحديثة الولاده علشان الاوساخ اللي في معدتها كلها تطلع وتفيد للدورة الشهرية

والله يسلمج فيه خلطة للدجاج تابل حبيبات وثوم وزنجبيل تفرمينهم مع بعض وأتخلين الخلطة بالفريزر تستخدمينها وقت ما تحتاجينها >>> كأني طلعت عن الموضوع

عموما انتي تعرفين شنهو تحبين من مذاق فتقللين وتكثرين على راحتج والبيت بيتج والاكل أنتي اللي بتاكلينه.. سمعتي عن شي جديد جربيه وان جاز لش ضيفيه في أكلاتج أن ما جاز أحذفيه