السلام عليكم يا أغلى صبايا

اليوم البث مباشر من الصين

اول مرة بعمل بط

جوزي دايما بس نروح أي مطعم وخاصة الصيني بيطلب بط وانا لا بحبه ولا بحياتي ساويته . وابني كمان بيحبه فقررت ساويلهم ياها بالبيت..

طبعا ضليت فتّش وبحبش لجبت الوصفة من نص الصين نفسها ههههه

طلعت الشغلة الاهم من طبخ البطة هو طريقة تحضيرها والتخلّص من دهونها لأنها كما نعلم انها أدسم بكثير من الدجاج ..

لحمها داكن اللون ومش متل الدجاج لأنها نشيطة أكثر مما يجعل الاوكسيجين أكثر داخل جسمها ويكسبه اللون الغامق شوي..

البط على الطريقة الصينية

المقادير

بطة
م.ك. بهارات الصينية (الخمس بهارات) ""انا ما لقيتهم هلق بتشوفوا شو سويت""
2 م .ص ملح (انا بستعمل ملح البحر)
5 شرحات زنجبيل طازج
4 فصوص ثوم
كوب بصل اخضر مفروم خشن
قشر نصف برتقالة tangerin

الصوص:
ربع كوب خل الرز (بتلاقوه بالسوبرماركت بالقسم الصيني او مع الخل)
نص كوب عسل
نص كوب صويا (انا استعملت صويا حلوة مع صويا مالحة بس ممكن الصويا يلي عندك مو مشكلة)

الطريقة

ننظف البطة ونتخلص من الدهون الزائدة حول الرقبة وفي المؤخرة ونغسلها جيدا بالماء والخل ونقوم بتجفيفها بورق المطبخ ..

بما اني ما عندي البهارات الصينية ولا لقيتهم بالسوبرماركت ففركت البطة جيدا من الداخل والخارج بالملح البحري الخشن والفلفل الأسود المجروش الطازج والسكر

وحطيتها ليلة كاملة بالثلاجة..

بعدين لقيت بهارات صينية للشوي فجبتها ورشيت عليها شوي بس ممكن تستغني عنها وتكتفي بالملح والبهار الاسود..

نقطع الزنجبيل والبصل والثوم وقشر البرتقال ونحشي به البطة

نحتاج الى صينية يلي فيها متل قاعدة عشان الدهون يلي بتنزل من البطة نتخلص منها

وهاد شكل الصينية

وهاي البطوطة

بسكين أو بعود خشبي تبع الشوي (متل أعواد الاسنان بس أكبر) نحدث ثقوب بالبطة ولكن طفيفة يعني مش غميقة يا دوب تفوت بالدهن وتطلعيها

عمليها بكافة الجوانب ..

هاي الخطوة أهم شي للتخلص من الهون يلي تحت الجلد..

نضع بالصينية حوالي كوبين ماء (عشان نطبخ البطة أول شي على البخار) يعني الماء مش لازن يلمس البطة..

ونقوم بتغطيتها بالألومنيوم جيدا وارفعيها على نار الغاز يلي من فوق حوالي ثلاث ارباع الساعة (ممكن طبخها بدون هذه الخطوة ووضعها بس بالفرن بس هيك اللهم بيطلع أطرى! )

كل شوي شوفي مستوى الماء أحسن ما ينشف..

في هذه الاثناء نعمل صوص التغطية:
نخلط العسل والصويا والخل ونرفعهم على النار ونتركهم يغلوا حوالي 10 دقائق حتى تصبح الصوص كثيفة مع التحريك من وقت لآخر..

هاد منظرها بعد ما خلصت الثلاث ارباع الساعة

نتخلّص من الدهون والماء ونضع ماء جديدة وندهنها بالصوص يلي حضرناها (انا استعملت فرشاة الطبخ)
وبدون تغطية وجهة الصدر الى الأعلى ندخلها فرن متوسط الحرارة ساعتان

لكن كل شوي نفتح الفرن وندهنها بالصوص .. انا دهنتها شي 5 مرات.. واذا لاحظت ان الصدر بدا يصير لونه كتير أسود ممكن تغطيت المكان بالألومنيوم
الى حين تنتهي البطة وتصير جاهزة للالتهام ممممم

هاد منظرها بعد أول دهنة بالصوص المحضّر

في الدهنة الأخيرة رشيتها بالسمسم مممممم

وهاد منظرها بعد ما جهزت

ما شاء الله ولا قوة الا بالله

قدمتها مع الرز الصيني المقلي بالبيض egg fried rice

هذا طبق مخصوص لوعود.. موصية عليه من زمان

وهاي كمان صورة لعيونكم الحلوة

ان شاء الله يكون لموضوع عجبكم

لا تنسوني من احلى دعوات يا اغلى أخوات

بامان الله

آه ياني
لو تعرفي انا صرت مخلل وانابانتظر هالطبق

وحجزت مقعد لحتى اكون أول رد
لاني باعرف ان في طبق مخصوص لأول رد ..
ولما ضاع أملي....
وما لقيت طبق مخصوص قمت ولطشت البطة والتحابيش



يممممي شو كانت طيبة
يسلموا دياتك يا عسل وصحتين وعافية على قلوبكم

بدون ابطاء ورقة وقلم وسجل .. يا بطبوط

داخله ملفك ادور على صينيه جوز الهند لقيت بطه مممممممممممممممممممم
اتمزمز على الطريقه و الصور المشهيه
و بعدين برد على رواق يا فنانتنا

يسلمووووووووو ايديكي يا عسل دائما اكلك رائع
يعيطيك الف الف عافية اشتقتلك كتييييييييييير

وعود زيحي لغاد قعديني جنبك يا بنت
انا بدي الصدر بس وخذي الباقي الك

تسلم الايادي لولو بتشهي والله ومنظرها بفرح القلب يا حرام راحت لهط هالبطه

بالعافيه عليكم يا قمر ومطرح ما يسري يمري يارب

وعود زيحي لغاد قعديني جنبك يا بنت
انا بدي الصدر بس وخذي الباقي الك

تفضلي يا عسل
ومن حسن حظك اني بحب الورك وراح اترك الصدر كله لعيونك

لولو.... صاحبتي عيونهم طلعت لبرة
وكل واحدة اخذت الرابط وركضت لمكتبها ..

بطة لولو.. اشهر بطة في ....دائرتنا

كتبت بواسطة وعود الخير

تفضلي يا عسل
ومن حسن حظك اني بحب الورك وراح اترك الصدر كله لعيونك

تسلمي يا عسل

بس بشوف احنا قسمنا البطه واكلناها وما تركنا شيء لاهل الدار

لبنااااااااااااااااااااااااااان
اخ يا قلبي يا انا
ايه الجمال ده
عظمه على عظمه يا قمر
الله يسلم دياتك يا رب و يحرمه على النار

بس بشوف احنا قسمنا البطه واكلناها وما تركنا شيء لاهل الدار

اهل الدار اهل كرم ونحنا بنستاهل