السلام عليكم ورحمه الله وبركاته
اخواتى الحبيبات
كل عام وانتم بالف خير يارب ودى مشاركة منى للأخت تغريد عن المحاشي وان شاء الله تنول رضاكم
انا هكتب الطريقه والمقادير والصور النهائيه
كرنب او (ملفوف)
ورق عنب
كوسه فلفل بازنجان
شبت كزبرة
بصل كتير انا بكتر البصل والخضره قوي في المحشي بحب احس طعمهم
ثوم
زيت ذرة
بهارات (فلفل اسود كمون كزبره)ملح
طماطم معصورة وملعقتين صلصة طماطم
رز مصري
الطريقه ...............
انا بفرم بصلتين فرم خشن واحط الزيت واحطهم لحد مايصفروا دهبي فاتح اضيف الطماطم المعصورة وصلصة الطماطم واتركهم يتسبكوا لحد ما ينشف ماؤهم فى الفترة دى بكون سلقت الكرنب واقطعه واحفر الكوسه والبازنجان والفلفل
وبعد مالصلصه اتسبكت اطفي النار وافرم 4 بصلات مع 5 فصوص ثوم مع حبه فلفل رومى وحامى حسب الرغبه واقطع الخضرة واضيف المكونات كلها خضرة رز بهارات ملح بصل وثوم نيءواقلب والنار مطفيه عشان يفضل الخضرة خضرا زى ماهى وابتدى الحشو طبعا الكرنب لحاله بفرش الحله بصل حلقات وطماطم وفلفل اخضر وساعات بحط الجدور اللي طلعت من تنظيف الكرنب والف الكرنب وارصه صفوف وبعدين احط عليه شوية زيت واحط طبق على الوجة عشان ما يتفككش عند الغليان واحط عليه مرقة اللحم او البط او الدجاج واو مايغلي اهدي خالص عليه واسيبه مع نفسه
بحشي ورق العنب بنفس الطريقة بس بجط شرائح ليمون وريش ضانى في قاع القدر مع بطاطس حلقات وبردة اضيف طبق وشوربة لحم وبعد الغليان اهدى النار خالص واسيبه مع نفسه خالص
بالنسبه للكوسه والفلفل والبازنجان بحشيهم وبحط لب الكوسه في صينية فرن وارص الكوسه والفلفل والبازنجان واحط عليهم الشوربة واغطى عليهم بالقصدير واحطها على البوتجاز من فوق لحد ماتغلي وبعدين ادخلها الفرن واهديه من فوق وتحت وهى متغطيه وبعد ماتستوى اكشف القصدير واحمرالوجه بتاعها وان شاء الله ينول رضاكم واسيبكم مع الصور
وبكدة انتهت رحلة المحاشي بتاعتي يارب تكون عجبتكم
ادعولي ربنا يرزقني ذريه صالحه عاجلا غير آجلا ويتم شفاء اخي على خير اللهم اميييييييين
الروابط المفضلة