كوكتيل محاشى كرنب ورق عنب باذنجان كوسه فلفل من مطبخ نور الهدى لعيون تغريد

عضوات منتدانا الجميل كل عام وأنتن بألف خير

انتهى رمضان وانتهى العيد ربنا يتقبل منا صالح أعمالنا جميعا ويبارك للمسلمين ويسترنا فوق الأرض وتحت الأرض ويوم العرض

أمين يارب العالمين

أقدم لكن طريقتى فى عمل المحشى بأنواعه مشاركه بسيطه منى لموضوع الغاليه تغريد

سواء للكرنب او للباذنجان او الفلفل او الكوسه فطريقتى للخلطه هى طريقه الخلطه المتسبكه

المقادير

كيلو طماطم معصوره جيدا ولكن غير مصفاه

1 كيلو ارز مصرى

3 ملاعق كبيره معجون طماطم

3 بصلات كبيره مقطعه صغيرا

2 ملعقه كبيره ثوم مفروم

وتوابل عطريه فريش(حزمه بقدونس_ حزمه شبت_حزمه كزبره)

ملعقتان زبده

زيت

ملح فلفل كمون بابريكا واى بهارات تفضليها

الطريقه

يقطع البصل ويحمر فى الزيت والزبده هكذا

ونضيف التوم المفروم

تضاف الطماطم المعصوره

يضاف معجون الطماطم ويترك الخليط يتكمر او يتسبك

نضيف التوابل الجافه وايضا الخضراء بعد غسلها وتقطيعها ومعهم الرز المصرى

نقلب الخليط جيدا ونطفئ النار ونترك الخليط يبرد

نسلق الكرنب او الملفوف

نجهز ورق الكرنب ونقطعه

ونلف المحشى هكذا

ونفس الحال بالنسبه لورق العنب

وايضا الكوسه والباذنجان والفلفل

نضيف المرقه على المحشى بحيث يغطيه

يترك على نار عاليه لمده ربع ساعه ونهدأ النار عليه

الى ان ينضج

ودى شكل المحاشى المتنوعه بعد النضج بأشكال تقديم مختلفه

ان شاء الله طريقتى تكون عجبتكن
دمتن بخير

بيسعدني كومن اول رد يااااااااااااااهوووووووووووووووووووووو
بتعرفي انا نفسي بالمحاشي بس ماحدا بياكل محاشي عندي بالبيت
شو رايك اخطف رجلي لعندك عمصر واتغدي وارجع

تسلم يدك يا ام نور

موضوع ام انس ما نزل بعد يا ليت تحاولي انك تعملي شيء

تسلم اديكي يا رب
صحتين وهنا عالمحاشي

رائع طبعا مفيش كلام
تسلم ايديكي شغل مرتب ورائع انا عاوزة اسالك انتي بتفرزيه؟
علي فكره نا طريقتي اني بحط البصل والخضار والطماطم ني في ني وممكن ملعقتين صلصه لاضفاء اللون الاحمر
تسلم الايادي الحلوة يا قمر بموووت في المحشي بصراحه

تسلم ايدك ياام نور وكل عام وانتى بالف خير نفسي طريقتي بالظبط المسبكة بس انا بضيف بصله تانيه وفصين توم نيين بضيفهم مع الخضرة والرز وبقلب على البارد بعد ما الصلصة تتسبك بيبقا طعمهم حلو ماشاء الله انتى خلتيني اقوم اعمل دلوقتي

بسم الله ما شاء الله
محاشى شهيه و تفتح النفس بالف هنا
تسلم اديكى و عنيكى حبيبتى و تتحرم على النار
ربنا يباركلك فى صحتك و فى بنوتك يا رب
جزاكى الله خيرا على مشاركتك الرائعه
و كل سنه و انت طيبه و بعوده الايام

اختي الغالية نور كل عام وانت بخير
بصراحة انا بعشق المحاشي لكن بصراحة من ايديكي شي مش طبيعي يعني بصير اموت فيهم
الله يسلم ايديكي ويعطيكي الصحة والعافية
وبالهنا والشفا على قلوبكم

ما شاء الله يا ام نور ...تسلم ايدك و كل سنة و انت طيبة حبيبتى

تسلم يدكِ يالغاليه على المحاشي الطيبه والشهيه