السلام عليكم يا طيبات وكل عام وانتم وأهل بيتكم بألف خير ان شاء الله
انا صحيح ما عم نزل مواضيع الا كل فترة وفترة بس صدقوني بحاول اصور اي شي جديد وبخبيهم وبرجع بحطهم بموضوع واحد اختصارا للوقت
نبدأ باسم الله
السفرة الاولى هي عزومة عندي برمضان وان شاء الله نشوف الصور ونتكلم عن الأطباق والمقادير
جانب من السفرة.. انا وصلت طاولتين مع بعض عشان نوسع
المنيو كان شوربة عدس-شوربة شوفان بالبندورة - مغربية على دجاج اللبنانية - كوسى محشي - فتة حمص اللبنانية - خلية بالجبنة وحشوة البيتزا -
فتوش وعصير الجلاب وعرق سوس وفيمتو.
شوربة عدس على هذا الرابط:
وشوربة الشوفان بالبندورة: بقلّب بصلة مفرومة ناعم بزيت نباتي وبضيف بندورة مهروسة ورب البندورة ومرق الدجاج والشوفان ..
نضع الفلفل الاسود المجروش والملح وبعد ما تجهز نزين بالبقدونس المفروم..
الكوسى المحشي
الحشوة: رز ضغير ، لحمة مفرومة ، شوية زيت نباتي، عصفر وملح وكمون وفلفل وشوية معجون البندورة ..
انا حتى لو بدي أعمل فقط كوسى محشي الا ما حط معه فليفلة محشية ولو حبة واحدة لأنها تعطي نكهة روعة!
اضع الكل في الطنجرة واغمرهم بالماء المذاب فيها معجون البندورة وبعد الغلي أخفف النار واتركها ساعة .
قبل ما اطفي النار بحط ثوم مدقوق ونعنع يابس وبخليهم 4 دقائق وخلص
ملاحظة للأمورات يلي لسا بيتعلموا: لازم دغري تشيلي المحشي من المرق حتى ما يفتح ويتفزّر معك.
وهاي بعد صورة.على فكرة المرق بقدمه بجاط جانبي.
نكمّل ان شاء الله
المغربية على دجاج اللبنانية
بهار الكراوية والبصل الصغير من اساسيات الوصفة..
انا سلقت الدجاج بالبهارات والملح والكراوية مع بصل صغير وحمرته واحتفظت بالمرق ..
نسلق الجمص وندعه جانبا.
المغربية اشتريتها ناشفة وسلقتها بماء مثل المعكرونة مدة 10 دقائق وشلتها من الماء ..
بعدين توضعي زيت نباتي (الوصفة الاصلية بالسمن ) وتقلبي حبوب المغربية مع كوب حمص مسلوق وتضيفي ملعقة كراوية كبيرة وبعدين تضيفي مرق الدجاج ملعقة ملعقة
وتنتظري لتتشرّب المغربية المرق ثم تضيفي ملعقة كبيرة أخرى وتكرري العملية الى ان تستوي حبوب المغربية وتصير طرية..
نسكب المرق والبصل ونضيف له الحمص في وعاء تقديم جانبي ولا نخلطها بالحبوب. .
تسكب الحبوب بجاط التقديم وتزيني بالدجاج والبصل وتقدميها وبجانبها المرق بالبصل والحمص.
وهاي جانب السفرة .. وقدمت المخللات بصحون شكل ملعقة كبيرة
فتة الحمص
نفرش الخبز الناشف المحمر بالقاع ونضيف الحمص الساخن ونسقي الخبز بمرق الحمص..
نضيف اللبن الزبادي المخلوط بعصير الليمون والثوم المدقوق والملح ونزين بالكمون والشطة البودرة والصنوبر المقلي ..
هذا الرابط به الفتة ايضا
خلية بالجبنة وحشوة البيتزا
عملتها بعجينة العشر دقائق وحشيتها بجبنة بيضاء ونعنع ناشف وعملت واحدة تانية (بس مو مصورتها نسيت ) بحشوة البيتزا
قبل الفرن
بعد الخبز
عند التقديم
العزومة انتهت ... بس الموضوع لسا له بقية
تابعوني
الروابط المفضلة