مشاركتي الثانية لملف الغالية تغريد مقلوبة البازلاء بطريقة تقديم جديدة
السلام عليكم ورحمة الله وبركاته
متل ما وعدتكن رح كمل باقي اطباقي الرمضانية الي منحبها وما منستغني عنها
ورح قدملكم اليوم مقلوبة البازلاء محبوبة الصغار والكبار
لكن بطريقة غيـــــــــــــــــــــــر
وهي من الاكلات الي قد ما اككلت منها ما بشبع ولازم يكون جنبها سلطة خيار بلبن او لبن عيران مممممم
المقادير
للحمة
لحمة كبابة
بصل
بقدونس
ثوم بودرة
فلفل اسود وبهار حلو
ملح
للمقلوبة
كوب بازلاء
كوب خضار مشكلة (فلفل احمر واصفر وجزر ) مقطعة ع شكل مكعبات صغيرة
كوبين رز طويل
زبدة
ملح
الطريقة
نحضر اللحمة بعد تشكيلها ع شكل اصابع
في الطنجرة منرصف اصابع اللحمة ومنشغل النار تحتها ع نار هادية رح تبدا تفقي مية منتركها شوية ومنقلبها وحدة وحدة وبحذر من شان ما تفك
بعدها منضيف ملعقتين زبدة ومنخليها شوية لحد ما تستوي ومنرفع اصابع اللحمة ومنخليها ع طرف
بنفس الطنجرة منضيف البازلاء ثم الجزر مع التقليب المستمر لحد ما يستوو ومنرفع قسم منها ومنضيف باقي الخضرة ومنقلب لحد الاستواء انا بحب تكون مستوية نص نص يعني بخليها تقرش شوي
في طنجرة الارز
منضيف شوية زيت نباتي مع الجزر والبازلاء الي رفعناهن لوحدهم ومنضيف معيار الماء المناسب لنوع االرز الي رح تستخدميه الارز الي باستخدمه بيحتاج قد بقد يعني اضفت كوبين ماء ومنتركها لتغلي ومنضيف اللارز ومنقفل الطنجرة ومنتركها لحد ما تستوي تقريبا عشر دقايق منكون خلطنا اللحمة مع باقي الخضار ومنحمص مكسرات
منصب المقلوبة اول بعدها الخضار مع اللحمة ومنرش المكسرات ورح تحصلي ع احلى لوحة فنية
والف هنا وعافية ع قلوبكم
دعواتكن يا عسلات
رد مع الاستدلال
[
كتبت بواسطة hobzoaa
الروابط المفضلة