السلام عليكم
كيف حالكم يا بنات
يارب تكون كل وحدة فيكم بافضل حال يارب
مبارح كان الاجتماع العائلي عندنا ... وطبعا محسوبتكم ما خلت شي الا وعملته

الضيوف اهل زوجي ونحنا (يعني المغتربين ) قليل لما يجيلنا ضيوف وخصوصا من العائلة
يعني نحنا ببلد غير بلدنا وكم من الاقارب معنا بنفس البلد ؟ طبعا قليل جدا
لذلك لما يجيلنا ضيف ويكون قرابتنا .. بنحتار شو بدنا نقدملو من كتر فرحتنا باللمة الي بنكون مفتقدينها بغربتنا
المهم وبلا طول سيرة
هي صور اكلاتي
ويارب تعجبكون
وتحبو تقديمي ......
طبعا اول شي صحن التمر..

والعصير والماي .....وبعدين بننتقل على الشوربة
واليوم اخترت اعمل شوربة حمرا بالشعيرية
وطريقتها
اول شي نقلي شوية بصل مفروم ناعم بنقطة زيت او زبدة
وبعده بنضيف شوية توم مهروس
وبعدين رب البندورة ونقليه شوي حتى نتخلص من الحموضة
وبعدين ممكن رشة من الريحان والماء ونتركها تغلي ونعدل الملح
ونضيف الشعيرية المحمصة ونغليها لحد ما تتعقد وتتسبك تمام

ومن اطباق المعجنات عملت
فطاير بالسبانخ
وفطاير بالجبنة
وبيتزا باللانشون

وكمان متل العادة .. الكل بيحبوا اليالنجي

ومن انواع السلطات اخترت اعمل الفتوش

وكطبق رئيسي عملت الكفتة بالصينية

وكمان الكبسة مع الدجاج

ولا تخلو مائدة رمضانية شامية من الحمص او الفول
واليوم عملت فتة الحمص بالزيت
طريقتها .....اول شي نحضر المرق
وهو حوالي كوبين من ماء سلق الحمص
نضعه بالخلاط الابريق ومعه ملح وتوم مهروس
ونخلط واثناء الخلط نضع ببطء حوالي نص كوب او اكتر شوي من زيت الزيتون ونستمر بالخلط لثواني
ونغلي المزيج جيدا ويجب ان يكون قد تجانس مع بعض
بعض الناس تستعمل مادة الكربونة او القلي في عمل الفقسة او مرق الفته
ولكن جربوها بدون هالمادة وان شاء الله رح تزبط معكون..

نضع في طبق التقديم خبز مقطع ومحمص
وفوقة و(عند التقديم مباشرة ) نضع الحمص الساخن ورشة ملح
وعلية نسكب المرق الساخن ورشة الكمون على الوجه
وهي صورتها قبل خروجها من المطبخ مباااشرة الى السفرة
حتى ناكلها ولسا الخبز عم يقرقش ..

طيب.... هدول اكلاتي ورح اعطيكون كمان شوية من افكاري للعزومات
بحب انو اضع الملاعق والشوك وكل ما يحتاجه الضيف في سلة ومنها يمكن الشخص انو ياخد الي بيحتاجو

متل هيك

وعلى طاولة صغيرة جانبية وضعتها بقرب المائدة الاساسية وضعت مجموعة من الصحون والزبادي والكاسات ومقاسات مختلفة تكفي الجميع وزيادة وكل شخص بياخد الصحن الي بيناسبو وبيناسب الاكلة الي اختار انو ياكل منها .............
وحسيت انو هالطريقة بتخلي الضيوف على راحتهون اكتر

وكمان خلينا كل الاطفال متجمعين مع بعض على طاولة لوحدهون .. بغرفة تانية حتى يكونوا الاهل مرتاحين اكتر بدون ازعاجات الاولاد

وهلق دخلنا على الحلو كان زوجي واعدني انو يجيب الحلو من برا .... بس لما لقيت انو رتبت اموري على بكير وصار كل شي جاهز ومعي وقت .. قررت انو اعمل كب كيك بالبيت وهيك بوفر على زوجي الخروج من البيت بوقت الزحمة....
والحمد لله كان كتير طيب والكل حبوه ... وقالولي انو تغيير عن حلويات رمضان المعروفة

وطبعا بجنب الحلو وضعت القهوة العربية ....
وكمان الشاي وحطيت كل شي بالترمس حتى يحفظ الحرارة
ويضلوا الضيوف مستمتعين بسخونتها طول السهرة
وكمان ما تنسو انو الصايم محتاج للانتعاش ...والفواكه احسن دوا
وتقديم الفواكه ممكن يكون بطريقتين

يتبع

والحمد لله الكل انبسطوا وقضينا وقت حلو مع بعض وسهرة من سهرات رمضان العائلية الممتعة
الي بترجعنا لايام اللمة والعيلة والوقت اللطيف




والحمد لله رب العالمين راحوا الضيوف ..... وهم مرتاحين


وما بخبي عنكون ... الشغل بعد العزيمة بياخد كل قوتنا .....
حابين تشوفوا مطبخي يومها كيف كان ............بعد ما خلص كل شي ؟؟












قبل حملة التنظيفات








وبعد الحملة






وكل عزومة وانتوا بخير
سلام

بسم الله ماشاء الله اللهم صلي عا النبي ماشاء الله ست بيت و كل الاكل بيجنن الله يجمعك باهلك و بالمة الحلوة و يجمعني باهلي بحق هذا الشهر الكريم و رمضان كريم عليكم وعلى جميع المسلمين (الاكل كلو الي)

كتبت بواسطة الشفاعة

بسم الله ماشاء الله اللهم صلي عا النبي ماشاء الله ست بيت و كل الاكل بيجنن الله يجمعك باهلك و بالمة الحلوة و يجمعني باهلي بحق هذا الشهر الكريم و رمضان كريم عليكم وعلى جميع المسلمين (الاكل كلو الي)

اهلين بالشفاعة
يا هلا

نسرين يا جميله كل عام وانتى باسرتك بالف خبر
ومبروك البيت الجديد ربنا يجعله بيت الهنا ياغاليه
وتسلمى على اكلاتك اللى مفيش عليها كلام ابدا
ربنا يجعله عامر دايما بالاحبه والاهل وربنا يتقبل منا جميعا صالح اعمالنا

الله يعطيكي العااااافية
وما شاء الله عليكي..كل شي مرتب.ريته صحة وهنااا

ماشاء الله تسلم ايدك ست بيت شاطرة

تقبلي تحياتي

ماشاءالله عليكى يا يمان عزومه جميله جدا والاكل كله احلى من بعضه
سفره دايمه يارب وعامره باهلها
تسلم الايادى
وكل عام وانتى بألف خير

كتبت بواسطة noorelhoda

نسرين يا جميله كل عام وانتى باسرتك بالف خبر
ومبروك البيت الجديد ربنا يجعله بيت الهنا ياغاليه
وتسلمى على اكلاتك اللى مفيش عليها كلام ابدا
ربنا يجعله عامر دايما بالاحبه والاهل وربنا يتقبل منا جميعا صالح اعمالنا

كتبت بواسطة Pr!ncess

الله يعطيكي العااااافية
وما شاء الله عليكي..كل شي مرتب.ريته صحة وهنااا

كتبت بواسطة (أم ليان)

ماشاء الله تسلم ايدك ست بيت شاطرة

تقبلي تحياتي

كتبت بواسطة yehia2007

ماشاءالله عليكى يا يمان عزومه جميله جدا والاكل كله احلى من بعضه
سفره دايمه يارب وعامره باهلها
تسلم الايادى
وكل عام وانتى بألف خير

نسرين يا حبيبة قلبى ايه الحلاوة دى كلها ما شاء الله لا قوة الا بالله عليكى ربنا يحفظك من كل سوء ويبارك لك يارب و يبعد عنك كل وحش يارب تسلم ايديكى يا قمر
وكل رمضان وانتم بخير كلكم ويارب ربنا يجمعك بأهلك يارب