*طبق متميز*صــينـية بطاطـــا بــوريـــــك.... شاركوني
السلام عليكم ورحمة الله وبركاته
حبيت اشاركم بطبق خفيف صينية البطاطا البوريك او البطاطا المهروسة مع اللحم او الفطر
على فكرة هادي الصينية ممكن نعملها باللحمة او بالفطر للناس النباتيين اللي ما بحبوا اللحمة
انا اليوم حاعملها بالفطر لان عيلتي ما بتحب اللحمة
المقادير:
تحتاجي بطاطا مسلوقة وما رح احدد الكمية على حسب احتياجكم اذا بتحبوا صينية كبيرة او صغيرة
زبدة
ملح
جبنة (كشكوان+مثلثات او كاسات)
علبة فطر
بصلة صغيرة
ملح وبهارات
قرشلة مطحونة
الطريقة:
نسلق البطاطا لحد الاستواء
نهرسها بالاداة المخصصة لهرس البطاطا حتى تصير لينة ونهرس معها كمية من الزبدة والملح والجبنة
انا حطيت جبنة كاسات معها والقليل من جبنة الكشكوان
ممكن نضيف القليل من الحليب لتعطيها القليل من الليونة وهادا اختياري وبتقدري تدويقيها وتشوفي ملحها وطعمها وحاتلاقيه تحفة
نحضر صينية بايركس وندهنها بالقليل من الزبدة
نحضر نصف الكمية من البطاطا المهروسة ونرصها في قاع الصينية
ناتي للحشو:
على الغاز بقدر نضع الزبدة وبصلة مفرومة فرم نااعم
ونقلبهم ثم نضيف الفطر وانا رح اضيف الذرة لانها طيبة معاها ونقلبهم وبعد ان يطروا قليلا نضيف البهارات بهار مشكل وفلفل اسود ونقلب
وبعد ان تتقلب قليلا ويطرا الفطر
نضعهم على طبقة البطاطا اللي رصيناها في الصينية
ثم نضع كمية البطاطا المتبقية فوق طبقة الفطر
طبعا طبقة الفطر او الحشوة ممكن تبدلوها باللحم المفروم مع البصل
او لحم وفطر مع بعض
ثم نسوي السطح ونرش القرشلة المطحونة ونضع القليل من الجبنة انا استخدمت جبنة الموزاريلا
ثم نخبزها في فرن حرارته عالية لحد ما يتغير لونها من تحت وتتحمر قليلا بس ديروا بالكم تحترق ثم نحمرها من الوجه وخلص
صحتين على قلوبكم واعطوني ارائكم
رد مع الاستدلال
[
الروابط المفضلة