انا قريت ملف حديثي الجواز والمبتدئات وافتكرت اول مرة اعمل فيها اكل كنت
بدور علي النت علي الوصفات الجديدة والقديمة كنت بدور علي الرز المفلفل
وغيره من الوصفات فحبيت اشارك بحاجة بسيطة جدا
الارز المفلفل بانواعه
يعتمد عمايله مش علي وجود الفلف الرومي المشوح مع السمن
بس ده مايمنعش ان في ناس بتستخدم الفلفل في الارز
انما تعتمد عمايله علي ان السمن او الزيت يتم تسخينه جيدا
قبل وضع الارز او الاضافات اللي فيه ونقطة اخري ان الارز لابد ان يكون متصفي جيدااااااااااااااااااااااااااا جدا من المياه قبل وضعه في السمن الساخن اما النقطة الاخيرة وهي انا مش بمجرد انك تحطي الارز بالسمن تضيفي المياه او الشوربة مباشرة انما تعتمد
علي انك تسيبي الارز في السمن الساخن شوية مع التقليب المستمر حتي يتشرب الارز السمن جيداااااااااااااااااا وتحسي ان الارز نشف منا اي مياه جيدا بس مش ينشف منك يعني بس وبعده ضيفي المياه او الشوربة انا بفضل الشوربة وان استخدمتي المياه حاولي تضيفي المرقة الدجاج والتوابل ملح وهيل وسبيهم علي ناااااار عالية يتشربو المياه اه نسيت اقولكم كمية المياه بتغطي الارز
وبمجرد ان المياه او الشوربة تتشرب حولي الطنجرة علي عين البوتاجاز الصغيرة ووطي عليها خالص سهااااااااااااااااااري
وياريت لو عندك بقي شياطة حطيها اسفل الطنجرة وسبيها تنضج
وبعد ربع ساعة قلبي الارز عشان يستوي اللي فوق وغطي الحلة
تاني وسبيه تنضج والف هنا
انا بعمل نفس الطريقة مع كل انواع وطرق عمايل الارز
سوااااااااااااااااااااء محشي او رز سمك او رز بشعرية وغيره من الوصفات وماقولكمش الارز بقي بيطلع مستوي ومظبوط ولا محتاج اي حاجة وعلي فكرة ان حسيتي ان الارز محتاج مياه ممكن وهو لسة علي النار السهاري رشي معلقة او اتنين شوربة
انا قدمت قبل كده رز السمك
رز السمك
رز متنقي كويس ومغسول ومصفي من المياه كويس اووووووووووي
وبصلتين مقطعين في طنجرة بها زيت واقوم بتحميرهم كويس للاصفرار
ثم اضيف الارز واقلب شوية لحد مااحس ان المياه والارز نشف شوية
اضيف المياه وليس شوربة واضيف كمون وده اهم حاجة وجود الكمون
وطبعا الملح واقلب واسيبهم علي نار عالية لحد مالمياه تخلص ثم احط الشياطة واجعل النار سهاااااااااااااااااااااااااري واسيبه يستوي
علي هذا الرابط
سمك فيليه ورز سمك وصلصلة طماطم بالثوم وصلصة ثومية
ارز بالشعرية
في طنجرة بها سمن احط شعرية انا بحبها فبزود منها يعني بستخدم كوب لكل 3 كوب ارز
واحمر الشعرية ثم اضيف الارز المغسول والمصفي جيدا
واقلب كويس خمس دقايق تقرييبا ثم اضيف الشوربة والملح والهيل
واسيبه يغلي ويتشرب المياه كويس ثم اجعل النار سهاري واحط
الشياطة واسيبه يستوي
انا عارفة موضوع صغير بس حبيت افيد غيري زي مااستفد من ناس قبل كده وان شاء الله قريب هعمل انواع مختلفة واقدمها في المنتدي
وده طبق لكل الحبايب الغاليات
ويااااااااااااااااااااااااااارب يعجبكم الموضوع
رد مع الاستدلال
[
كتبت بواسطة noorelhoda
الروابط المفضلة