LinkBack URL
About LinkBacks
*طبق متميز*من روائع سفرتي يخنة الدجاج مع فريكة مفلفلة
السلام عليكم ورحمة الله وبركاته
مباركة طاعتكم وان شاء الله يكون رمضان خير علينا وعليكم وع امة الاسلام
رح قدم اليوم رائعة من روائع سفرتي والي هي اليخنة وهي طبخة شهية كتير وصحية ومحبوبة والي حلو فيها انو اذا باتت بقدر اعمل من البواقي اطباق متنوعة متل الكبسة والفتة وشوربة الشعيرية
كان مبارح عندي عزيمة وكانت اليخنة احدى الاطباق وباذن الله رح نزل اطباقها تباعا
المقادير
حمص منقوع قبل بليلة
دجاجة كاملة (اضفت بعض القطع لانو كان بين المعازيم اطفال وبفضلوا قرم الجناح )
بهارات صحيحة (ورق غار فلفل اسود قرنفل وقرفة )
5 حبات بصل صغيرة (الي بكون لونها قريب للاحمر )
ماء كافي
الطريقة
انا بضغطها بطنجرة الضغط لانها بتوفر وقت ووقفة
تغسل الدجاجة بماء ودقيق وملح
ثم تشطف بالماء وتوضع بطنجرة الضغط بعد تقطيعها وانا استعنت بملف الغالية ام ماهر لاني اول مرة بقطع جاجة لحالي
ننتظر حتى تضهر الزفرة ومنشيها بعدها منضيف البصل والبهارات
ومنضغط الطنجرة (منقفلها )ومنعير وقت ربع ساعة من وقت ما بتبدا بنصفر بعدها منرفعها ومنخليها لحتى نقدر نفتح الغطا ومنضيف الحمص بعد غسله وتصفيته
ومنعير وقت 7 دقايق
بعدها منفتح الطنجرة ومنضيف الملح ومنتركها لتغلي غلوتين ومنرفعها وهيك بتكون الطبخة جاهزة
قدمتها مع فريكة مفلفلة وطبختها بمرقة الجاج وزينتها بقطع الجاج وطلعت
يمييييييي شو طيبة مع سلطة الخيار بلبن الي رميت فيها قطع تلج ويميييي شو كانت باردة ومنعشة
والمرقة الي خليت فيها شوية حمص والجناحات
وهي طرقة الفريكة لكن بمرقة اللحمة لعيونكم اخدتها قاتباس من موضوع قديم الي
تحمص الفريكة مع ملعقتين السمن ثم تضاف مرقة اللحم بمقدار كل كاس فريكة كاس وربع مرق وتطهى على نار هادئة جداً بعد ان يغطى حتى ينشف الماء ويسكب في صحن التقديم ويزين باللحم المسلوق واللوز المحمص وتقلى بالسمنة طبعا التقلاية اختياري
وهي ع الرابط لكن رجاء لا ترفعو الموضوع لانو قديم واذا حدا عندو سؤال راجاء هون
والف هنا وعافية ع قلوبكم وكل سنة وانتو سالمين
رد مع الاستدلال
[
مسابقتنا انتهت في انتظار الاستفتاء لاختيار ملكة المعجنات 
المتوجـــــــــــــــــــــــــــة ؟؟؟؟؟؟
الروابط المفضلة